Инкеклӗ лару-тӑру министерстви тунӑ сӑн

Муркаш районӗнче арҫын путса вилнӗ. Кун пирки РФ Инкеклӗ лару-тӑру министерствин Чӑваш Енри тӗп упарвленийӗ пӗлтерет.

Ку пӑтӑрмах ӗнер, ҫӗртме уйӑхӗн 7-мӗшӗнче, 7 сехет те 40 минутра пулнӑ. Кӑпас ялӗ ҫывӑхӗнчи пӗвере 1971 ҫулта ҫуралнӑ арҫын путса вилнӗ. Вӑл 49 ҫулта пулнӑ. Унӑн виллине ентешӗсем асӑрханӑ, вӗсемех ӑна ҫыран хӗррине кӑларнӑ.

Ҫӑлавҫӑсем ӗлтернӗ тӑрӑх, ҫак арҫын мӗншӗн путса вилнине халӗ специалистсем уҫӑмлатаҫҫӗ.

#пӑтӑрмахсем, #Муркаш районӗ, #Кӑпас, #пӗвесем, #ҫӑлавҫӑсем