Сайта кӗр | Регистраци | Сайта кӗрсен унпа туллин усӑ курма пулӗ
 +16.3 °C
Ир тӑнӑ кайӑк выҫӑ вилмен тет.
[ваттисен сӑмахӗ]
 

Хыпар: Василий Димитриев историк пирӗнтен уйрӑлса кайнӑ

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Туянатӑп Чăваш Наци библиотеки 1996, 1997, 2000, 2004, 2009, 2013, 2014 çулсенче кăларнă ...
Паллашу Ялта пуронатоп, начал привычкосемсер, ещместеп туртмастоп. Хелп паллашас тетеп.х...
Аçтахар Плотников 08.01.2013 19:45 | 2526 хут пӑхнӑ
Василий Димитриев
Василий Димитриев

Паян ирхине, кӑрлачӑн 8-мӗшӗнче, пирӗнтен паллӑ историк Димитриев Василий Димитриевич уйрӑлса кайнӑ. Сывпуллашу кӑрлачӑн 10-мӗшӗнче Чӑваш патшалах гуманитари ӑслӑлӑхӗсен институтӗнче иртӗ. 10 сехетре илсе килӗҫ, 13 сехетре тӑван ялне пытарма кайӗҫ.

Димитриев Василий Димитриевич — паллӑ чӑваш историкӗ, истори ӑслӑлӑхӗсен докторӗ, профессор (1970). Вӑл 1924 ҫулхи кӑрлачӑн 11-мӗшӗнче Ҫӗрпӳ районӗнчи Ҫӗрпӳел ялӗнче ҫуралнӑ.

1948 ҫулта Чӑваш патшалӑх педагогика институтӗнче пӗлӳ илнӗ хыҫҫӑн кӗҫӗн ӑслӑлӑх ӗҫченӗ пулса ӗҫленӗ. 1955 ҫулта Мускав патшалӑх университетӗнче асперантурӑра вӗренсе тухсан Чӑваш ӑслӑлӑхпа тӗпчев институчӗн (хальхи ЧГПӐИ) директор ҫумӗ, ӑслӑлӑх ҫыруҫи (1948–1968), директорӗ (1968–1988) пулса ӗҫленӗ. Ҫав вӑхӑтрах, 1967–1988 ҫулсенче, вӑл Чӑваш патшалӑх университетӗнче профессор пулнӑ. 1988 ҫултанпа университетри Тӑван ҫӗршыв историйӗн кафедра пуҫлӑхӗн вырӑнне йышӑннӑ. 2000 ҫултанпа — университетӑн ҫӑлкуҫсемпе архив тӗпчевӗн кафедра пуҫлахӗн ҫумӗ пулнӑ.

Василий Димириевич Атӑлҫи тӑрӑхӗнчи вӑтам ӗмӗрсене тата кунта пурӑнакан халӑхсен историне лайӑх пӗлекен паллӑ историксен шутне кӗрет. Хӑйӗн ӗҫӗсенче вӑл чӑвашсен кун-ҫулне тӗпченӗ, Вӑтам Атӑлҫи тӑрӑхӗнче пурӑнакан халӑхсен авалхи вӑхӑтсенчен пуҫласа ҫырса кӑтартнӑ. Ҫавӑн пекех Атӑлҫи Пӑлхар, Ылтӑн Урта, Хусан ханлӑхӗ, Раҫҫей империйӗ вӑхӑтӗнчи историне тӗпченӗ. Василий Димириевич пуҫласа XIV вӗҫӗпе XV ӗмӗр пуҫламӑшӗнче Атӑлҫи Пӑлхар ҫӗрӗсем пушанса юлнин ыйтӑвне тата ыттисене тишкернӗ. Вӑл паллӑ ҫынсем пирки чылай ҫӑлкуҫ, нумай материал пичетленӗ: Н.Я. Бичурин, С.М. Михайлов, Н.В. Никольский, М.П. Петров, Л.П. Кураков тата ыттисем пирки.

Димитриев Василий Димитриевич Чӑваш АССРӗн тава тивӗҫлӗ ӑслӑлӑх ӗҫченӗ (1974), РСФСР тава тивӗҫлӗ ӑслӑлӑх ӗҫченӗ (1980). 1994 тата 2001 ҫулсенче вӑл Чӑваш Республикин ӑслӑлӑхпа техника тӗлӗшӗпе Патшалӑх Премийӗн лауриачӗ пулма тивӗҫнӗ. 2002 ҫулта Ҫемен Элкер ячӗллӗ Республикӑри журналистсен премийӗн лауриачӗ пулнӑ. Тӑван Ҫӗршывӑн 1-мӗш степеньлӗ орденпа, Ӗҫлӗ Хӗрлӗ Ялав, Хӗрлӗ Ҫӑлтӑр, «Чӑваш Республики умӗнче тунӑ пысӑк ӗҫсемшӗн» орденӗсене, чылай медальсене тивӗҫнӗ. 1989 ҫулта вӑл Ҫӗрпӳ хулин, 2004 ҫулта Ҫӗрпӳ районӗн тава тивӗҫлӗ гражданинӗ пулса тӑнӑ.

#Ҫӗрпӳел, #Ҫӗрпӳ районӗ, #истори, #Чӑваш ен, #ҫухатусем, #Ҫӗрпӳ, #Чӑваш патшалӑх университечӗ, #ЧПГӐИ

 

Комментари:

Владимир // 6829.6.2143
2013.01.14 01:11
Умер Великий чувашский булгарист, после Ашмарина и Каховского, третий по счёту. Автор правдивой истории булгар-чувашей, какой бы горькой эта история ни была. Даже термин "худые болгары" (по чувашски çĕтĕк çăваç) он привел во всей исторической красе, не стесняясь правды. Он не гонялся за помпезностью в истории. Писал про действительность. Пусть земля ему будет пухом.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org