Инкеклӗ лару-тӑру министерстви тунӑ сӑн

Чӑваш Енре пурӑнакан арҫын гаражра автобусне юсав тунӑ. Кӗтмен ҫӗртен транспорт ҫунма пуҫланӑ. Юрать, арҫын транспорта гаражран тӗксе каларма ӗлкӗрнӗ.

Ку пуш уйӑхӗн 22-мӗшӗнче 18 сехетре Вӑрмар районӗнчи Кавал ялӗнче пулнӑ. Инкеклӗ лару-тӑру министерстви пӗлтернӗ тӑрӑх, микроавтобус юсав ӗҫӗ вӑхӑтӗнче ҫунма пуҫланӑ. Гаражӗ хыпса ан илтӗр тесе хуҫи ӑна урама тӗксе кӑларнӑ.

Вырӑна ҫитнӗ ҫӑлавҫӑсем автобуса ҫӑлса ӗлкӗреймен – вӑл ҫунса кайнӑ. Халӗ транспорт мӗншӗн хыпса илнине тӗпчеҫҫӗ. Малтанлӑха пӗлтернӗ тӑрӑх, вӑл юсавсӑр пулнӑ.

#Вӑрмар районӗ, #Кавал, #автобуссем, #Инкеклӗ лару-тӑру министерстви