"Лиза Алерт" сайтри сӑн

Шупашкарта пурӑнакан Андрей Николаевич Захарова тӑванӗсем пӗр уйӑха яхӑн курман. Вӑл сывлӑх енчен хавшак, ӑна тухтӑрсен пулӑшӑвӗ кирлӗ. Арҫын ӑс-тӑн енчен арпашӑнса кайма пултарать.

47 ҫулти Андрей Захаров килтен кӑрлач уйӑхӗн 15-мӗшӗнче тухса кайнӑ. Тӑванӗсем каланӑ тӑрӑх, вӑл унччен ун пек вӑрахлӑха ҫухалса курман. Вӑл авланман, ачи-пӑчи ҫук,сусӑрскер ниҫта та ӗҫлемест.

Андрей Захаров 161 сантиметр ҫӳллӗш, вӑтам пӳ-силлӗ, хура ҫӳҫлӗ, куҫӗ хӑмӑр. Сулахай алӑ ҫинче якорь ӳкернӗ татуировка пур.

Ӑна курнӑ тӑк 8 (800) 700-54-52 е 112 номерпе шӑнкаравлӑр.

#Ҫӗнӗ Шупашкар, #шыравсем