dnpr.com.ua сайтри сӑн

Канашра пурӑнакан 43 ҫулти хӗрарӑм крипотвалюта илес тесе ултавҫӑсен аллине ҫакланнӑ. Вӑл вӗсене 1 миллион ытла тенкӗ куҫарса панӑ.

Хӗрарӑм полицейскисене акӑ мӗн каласа кӑтартнӑ: икӗ уйӑх каялла вӑл тӗнче тетелӗнче биткоина укҫа хывса ҫӑмӑллӑнах ӗҫлесе илме май пурри пирки вуласа пӗлнӗ. Хайхискер ҫавсемпе ҫыхӑннӑ, лешсем малтан 500 тенкӗ хывмаллине пӗлтернӗ. Анчах хӗрарӑмӑн ун чухлӗ укҫа пулман – вӑл кредит илнӗ.

Ку укҫана куҫарса панӑ хыҫҫӑн лешсем каллех шӑнкӑравланӑ: «раскрутка» тума тепӗр 520 пин кирлӗ-мӗн. Хӗрарӑм ку суммӑна та куҫарса панӑ. Анчах темӗн чухлӗ кӗтсен те тупӑш пирки никам та, нимӗн те шарламан. Ҫавӑн чухне тин хӗрарӑм ӑна шӑнман пӑр ҫине лартса хӑварнине ӑнланнӑ.

#ултавҫӑсем, #укҫа-тенкӗ, #Канаш, #полицейскисем, #кредитсем