Сайта кӗр | Регистраци | Сайта кӗрсен унпа туллин усӑ курма пулӗ
 -6.0 °C
Ҫиччӗ виҫ те пӗрре кас.
[ваттисен сӑмахӗ]
 

Кӳршӗре: «Сувар» хаҫатӑн юбилейӗнче Ренат Харис Петӗр Хусанкайӑн сӑввине тутарла вуласа пачӗ

Паллашу Ырӑ кӑмӑллӑ, ӗҫрен хӑраман, пӗрле пурнӗҫ тӑршшӗпе утма, çемье щавăрма, ачу-пăча ...
Сутатӑп Сумалли качака сутатӑп, Перре пӑрамланӑ
Сутатӑп Йывăçран тунă çурт сутатăп. Столовăпа котельня - кирпӗчрен. Крыша - ҫӗнӗ. Етӗрне...
Аçтахар Плотников 17.02.2019 21:54 | 485 хут пӑхнӑ
Кӳршӗре
Ренат Харис Петӗр Хусанкайӑн сӑввине вулать
Ренат Харис Петӗр Хусанкайӑн сӑввине вулать

Шӑматкун, нарӑсӑн 16-мӗшӗнче, Хусанти Туслӑх ҫуртӗнче «Сувар» хаҫат 25 ҫул тултарнине паллӑ турӗҫ. Чи малтанах вулавҫӑсен конференцийӗ иртрӗ — унта аякран килнӗ хӑнасем те, Тутарстанри журналистсемпе почта ӗҫченӗсем те тухса сӑмах каларӗҫ. «Хыпар» издательство ҫурчӗ, «Канаш» тата «Урал сасси» хаҫат редакцийӗсем хӑйсем кӑларакан хаҫат-журналсемпе паллаштарчӗҫ. Чӑваш халӑх сайчӗн тӗп редакторӗ тӗнче тетелӗнче чӑваш чӗлхи мӗнле сарӑлни пирки каласа пачӗ. Ҫавӑн пекех конференцире «Сувар» хаҫатӑн ӗҫченӗсене хисеп хучӗсемпе тата премипе чысларӗҫ, хаҫата тӑтӑш ҫырса тӑракансене хисеп турӗҫ.

Вулакансен конференцийӗ хыҫҫӑн Николай Сорокинӑн «Свети, мой Млечный путь» (чӑв. Ҫутат, Хуркайӑк ҫулӑм) кӗнекен хӑтлавӗ пулчӗ.

Иккӗмӗш пайӗнче юбилея халалласа савӑнӑҫлӑ уяв иртрӗ. Вал Туслӑх ҫуртӗнчи акт залӗнче пулчӗ. Унта тӗрлӗ тӳре-шара тата хаҫат тусӗсем юбиляра саламларӗҫ, парнесем парнелерӗҫ. Тухса калаҫакансен йышӗнче тутар ҫӑвӑҫи Ренас Харис та (сӑмах май, хаҫат ятне вӑл тупса панӑ, иккен) пулчӗ. Вӑл Петӗр Хусанкайӑн «Эпир пулнӑ, пур, пулатпӑр!» сӑввине тутарла вуласа пачӗ. «Халиччен ку сӑвва мӗнле чӗлнехе кӑна куҫарман пуль, анчах тутарла халь те никам та куҫарман. Ҫак ҫитменлӗхе пӗтерес тесе эп ӑна тутарла куҫартӑм, сире вуласа паратӑп», — терӗ тутар поэчӗ сӑвва вуласа парас умӗн.

Савӑнӑҫлӑ уява илем кӳме Шупашкартан «Ҫавал» ушкӑн ҫитнӗччӗ. Унан ташши юррисем куракансен кӑмӑлне кайрӗҫ тесен йӑнӑш пулмӗ. Уява вӗҫлесе Елена Карсакова «Сувар» юрра юрласа пачӗ.

#конференцисем, #Сувар, #хаҫатсем, #Хусан, #кӳршӗре, #Тутарстан, #юбилейсем

 

Сӑнсем (85)