Чӳкӗн 2-4-мӗшӗсенче Италири Римра ICO Тӗнче чемпионачӗ иртнӗ. Унта Чӑваш Енри ҫичӗ спортсмен хутшӑннӑ. Ӑмӑртӑва 37 ҫӗршыври 1000 ытла кикбоксер ҫитнӗ.

Пирӗннисем Римра ӑнӑҫлӑ ӑмӑртнӑ: ҫиччӗшӗ те тӑван тӑрӑха медальпе таврӑннӑ. Роман Плотников – ылтӑн, Никита Александров – ылтӑн, Эдуард Кудрявцев – ылӑн, Геннадий Дмитриев – ылтӑн, Николай Баканов – пӑхӑр, Александр Салахутдинов – ылтӑн, Алексей Соловьев ылтӑн медаль ҫӗнсе илнӗ.

Чемпионсене ылтӑн медальсӗр пуҫне Тӗнче чемпионачӗн пиҫиххипе те чысланӑ.

#спорт, #кикбоксинг, #ӑмӑртусем, #тӗнче чемпионачӗ