Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Чӑваш чӗлхи: Путинӑн хитре сӑмахӗсем

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Аçтахар Плотников 16.12.2017 13:55 | 8091 хут пӑхнӑ
Сумлӑ сӑмах Чӑваш чӗлхи

Кӗҫнерникун Улатимӗр (чӑвашла ӑна ҫапла чӗнӗттӗмӗрччӗ) Путин журналистсемпе пресс-конференци ирттерчӗ, вӗсен ыйтӑвӗсем ҫине хуравларӗ. Раҫҫейри халӑхсене пырса тивекен ыйту та чи пӗрремӗшсенчен пӗри пулчӗ.

Путин мӗн каласси иккӗленӳллӗ марччӗ. Пӗр йышӑннӑ сӑмаха вӑл, каялла илмесси тахҫанах паллӑччӗ. Хитре сӑмахсем каларӗ. Сӑмахран, «нужно обеспечить людям возможность изучения родного языка», — терӗ. Тӗрӗс сӑмахсем. Ни чӑвашӗ, ни тутарӗ хирӗҫ мар. «Вопрос, связанный с языком, направлен только на одно – создать всем детям, где бы они ни проживали на территории Российской Федерации, равные стартовые условия для будущей жизни», — ку та тӗрӗс ӗнтӗ. Камӑн хӑйӗн ачине япӑхрах пурнӑҫ сунас тейӗ? Никам та пуль. Сӑмаххисем хитре, анчах вӗсем хыҫӗнче мӗн пытанать? Пур халӑха та вырӑслантарас тӗллев кӑна. Улатимӗр «патша» шухӑшӗпе ачасем пурте вырӑсла пӗлсен кӑна вӗсен пӗрешкел условисем пулӗҫ. Кунта йӗкӗлтесе илме те пулать: чӑн та икчӗлхеллӗхре ӳсекен ачасем ӑслӑрах пулнине нумай тӗпчев ҫирӗплетсе панӑ. Паллах, вырӑссен пӗр чӗлхе ҫеҫ пулнипе вӗсем ку тӗлӗшрен аталану енӗпе кая юлаҫҫӗ, ҫавна пула пирӗн «патша» пӑшӑрханать те пуль, ҫавна пулах пӗр тан условисем хатӗрлесшӗн те.

Туллин тишкерни

Путинӑн сӑмаххине, вӗсене kremlin.ru сайтра вырнаҫтарнӑ, туллин пӑхса тухар пуль. Малтан пуҫласа вӗҫӗ тарин.

«Первое, я считаю, что у нас нет никакой остроты в сфере национального, как Вы выразились, вопроса», — ҫапларах хуравне пуҫлать Мускаври «мӑн хуҫа». Улатимӗр, ара наци ыйтӑвӗ ҫук пулсан сирӗн пресс-конференцинче унашкал ыйту пулмӗччӗ те вӗт. Пӗлтӗрхинче пулман, виҫӗмҫулхинче пулман. Кӑҫал ҫак ыйтӑва пачӗҫ пулсан наци ыйтӑвӗ ҫивӗчленнине пӗлтермест-им? Е хӑвӑра хӑвар ҫапла лӑплантарса ларатӑр-ши?

Малаллине илсе кӑтартрӑмӑр ӗнтӗ — Улатимӗр пуриншӗн те пӗрешкел услови туса парассишӗн ҫунать иккен. Хӑть Шупашкарта пурӑнакан ачашӑн, хӑть Мускавришӗн. Тӗллевӗ лайӑх. Анчах темшӗн ҫак пӗртанлӑха вырӑс чӗлхи урлӑ тумалла. Пӗр тан условисем тӑвас тетӗн пулсан — ил те туса пар условисем Шупашкар та Мускавра та чӑвашла вӗренме. Мускаври чӑваш та Шупашкарти чӑваш та хӑйне пӗр тан туйтӑр. Ҫук вӗт, «патша» шухӑшӗпе ҫакна пурнӑҫлама вырӑсланни ҫеҫ май парать. Ачасем пӗр тан мар пулни — ҫутҫанталӑк, Турӑ тунӑ япала. Пӗри ӑслӑ, тепри — катӑкрах. Ҫак пӗртанмарлӑхпа вӑл мӗнле кӗрешесшӗн-ши? Чӗлхе пӗртанлӑхӗ ҫеҫ «пӑшӑрхантарать» ҫав ӑна...

Тепӗр абзацӗ Тутарстан пирки, унӑн юлташӗсем вӑл тӑрӑхра чылай пулни пирки. Тутарстанра пурӑнакан тата ун тулашӗнчисен пурнӑҫ старчӗн условисем пӗр тан пулмалли пирки. Кунта та пӗр сӑмах та тутар чӗлхи пирки каламасть — пӗтӗм шухӑш йӑлт вырӑс чӗлхипе ҫыхӑннӑ.

«И если люди будут знать свой национальный язык, о чём я сейчас тоже скажу, считаю это очень важным на самом деле, и будут тогда отставать в языке межнационального общения – в русском языке». Акӑ — чӑн-чӑн вырӑс шовинисчӗн шухӑшӗ. Эпӗ чӑвашла пӗлни, иккен, мана вырӑс чӗлхине пӗлме пи-и-и-и-итӗ чӑрмантарать. Ку статьяна чӑвашла ҫырни те йӑлт ҫавӑнпах ҫыхӑннӑ пуль? Тен, эпӗ, вырӑсла пӗлместӗп те ҫавӑнпа ӑна чӑвашла ҫыратӑп. Куншӑн хама пит япӑх туятӑп ӗнтӗ. «Мускав хуҫи» ман пеккисемшӗн питӗ кулянать. ЙӐНӐШАТӐН УЛАТИМӖР! Эпӗ вырӑсла та ҫырма пултаратӑп, чӑвашла та. Вырӑсла, паллах, ман вырӑссенчен япӑхрах пулӗ, анчах эп вӗсемпе ку тӗлӗшпе пӗрре те ӑмӑртасшӑн мар. Чӑвашла ҫырни эп вырӑсла пӗлменнипе мар, эп хамӑн чӗлхене аталантарассишӗн ҫуннипе ҫыхӑннӑ. Чӗлхепе усӑ курсан кӑна ӑна аталантарма пулать. Эсӗ вара, «Мускав хуҫи», ҫав аталантарӑва чарса лартасшӑн. «...Преподавание в ведущих вузах страны ведётся на русском языке, мне кажется, что это было бы плохо по отношению к детям, проживающим в Татарстане», — тет малалла Улатимӗр. Аха, кӳршӗри республикӑри ачасем университет программине ӑнланса илмелӗх те вырӑс чӗлхине пӗлмеҫҫӗ пулать. Ют патшалӑхсенчен пирӗн пата вӗренме килекенсем (тӗслӗхрен, пирӗн ЧПУ-ра нумаййӑн вӗсем) мӗнле хӑйсене туяҫҫӗ-ши вара? Вӗсене курса мӗн калӗччӗ-ши ҫак Улатимӗр? Вӗсен патшалӑхӗсенче те мӗн ачаран вырӑсла вӗренттерӗччӗ-ши? Мӗн ара? Ҫар пур. Кайнӑ та пӑхӑнтарнӑ та вырӑсла вӗренттерме тытӑннӑ… Йӗкӗлтетӗп.

«Но что нужно точно обеспечить – нужно обеспечить людям возможность изучения родного языка, не только татарского, и марийского, и чеченского, и какого угодно, якутского», — тет «Мускав хуҫи» малалла. Сӑмахӗсем хитре-ха, анчах мӗн пирки вӗсем? Раҫҫейре ҫеҫ мар, чӑвашӗсем халь тӗнчипех саланнӑ. Мускавра питӗ нумай. Капла калани, мӗн, Мускаври шкулсенче, калӑпӑр, пӗр чӑваш тупӑнсан, ӑна чӑвашла вӗрентме пултаракан вӗрентекене тупмалли пирки пӗлтерет-им? Вуласан ҫапла пек пулса тухать. Анчах ӑна кам та пулин пурнӑҫлӗ-и? Ҫук, хитре сӑмахсем кӑна.

«У нас, слава богу, огромное разнообразие таких языков. Это наша гордость и это наше богатство – культурное и языковое многообразие. И это, безусловно, должно быть поддержано», — вӗҫлет хӑйӗн хуравне «Мускав хуҫи». Пуянлӑх тет, мухтанмалли япала тет. Анчах темшӗн ҫак япаласене пӗтересшӗн, тӗп тӑвасшӑн. Вырӑслантарасси (пур ача валли те пӗрешкел услови тӑвасси — ҫак ӗнте вӑл) ҫак чӗлхесене сиен кӳнине ӑнланмасть тесе шутламастӑп. Апла-тӑк мӗн калама пулать? Каллех икӗпитлӗхӗ ҫиеле тухни. Калать пӗр япала пирки, тӑвать пач урӑхла. Улатимӗрӗн апла хӑтланнине эпир сахал мар курса, сахал мар илтсе.

Вӗҫлесе ҫапла чӗнес килет — ҫитес суйлавра пирӗн, чӑвашлӑхшӑн ҫунакансен пулин те, ҫак кандидатшӑн сасӑламалла мар! Уншӑн сасӑлакансен проценчӗ мӗн чухлӗ чакни Мускавсен ӗҫӗ тӗрӗс мар пулнине кӑтартса памалла! Паллах, вӑл ҫӗнтерӗ. Ҫӑвах та республикӑсенчи сасӑлав япӑхлансан вӗсене хӑйсен пуҫӗсене кӑштах та пулин хыҫтарӗ.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#политика, #тутар чӗлхи, #вӗренӳ, #пресс-конференцисем, #Тутарстан, #Мускав, #чӑваш чӗлхи

 

Ҫавӑн пекех пӑхӑр

Комментари:

Тимĕр Акташ // 4019.00.7949
2017.12.16 17:55
Автор шухăшсемпе килĕшетĕп, ырлатăп. Тĕрĕс шухăшсем.
Тимĕр Акташ // 4019.00.7949
2017.12.16 20:23
Паян Хусанта Путин майлă çар ветерансен, ачасемпе-кадетсемпе пĕрле митинг пулнă. 200 çын кăна килчĕç... (Idelreal.org)
Agabazar // 2993.73.7628
2017.12.16 21:08
Agabazar
«У нас, слава богу, огромное разнообразие таких языков. Это наша гордость и это наше богатство – культурное и языковое многообразие. И это, безусловно, должно быть поддержано», — вӗҫлет хӑйӗн хуравне «Мускав хуҫи».

====================================

Ку тĕлте "слава богу" тет-ха та, анчах тепĕр тĕлте урăхла калать: «И если люди будут знать свой национальный язык, о чём я сейчас тоже скажу, считаю это очень важным на самом деле, и будут тогда отставать в языке межнационального общения – в русском языке».
======================================

Эппин, "слава богу" е "слава богу" мар? Хăшĕ кунта чăн шухăш?
Вулакан // 3215.4.5295
2017.12.16 22:33
Тĕрĕс çырать Аçтахар. Пĕтĕмпех килĕшмелле.
Agabazar // 1410.51.1981
2017.12.16 23:34
Agabazar
Ленин, Сталин, Маленков, Хрущёв, Брежнев, Андропов, Черненко, Горбачёв, Ельцин.
Мĕн кăна илтмен пуль çаксем каланисене!
Анчах та вырăс мар чĕлхесем пирки çак таран хăрушă сăмахсем илтсе курман.
Ĕнтĕ çакнашкал вăхăтсене те пурăнса çитрĕмĕр.
Алтак // 3335.84.0120
2017.12.17 17:00
Калӑпр Аслӑ Аттелӗх Вӑрҫиччен халӑх вырӑс чӗлхине лайӑх пӗлмен тейӗпӗр.
Ҫӗршывне ҫӗкенӗ, нимӗҫ фашистӗсене аркатнӑ тата вӑрҫӑ хыҫҫӑн ҫӗнӗрен Ҫӗшывне ҫӗкленӗ. Вырӑӑсла лайх плетни-начар-и ыйту пулман: ҫын ӗҫлетӗр тата Ҫӗршывне хӳтӗлетр. Ҫӗшыв тӑшмансем, Вӑрҫӑ хыҫҫӑн, наци шкулӗсене хуптараҫҫӗ. Мӗншӗн тесен тӑшмансене вырӑссемпе туслӑ халӑх кирлӗ мар. Патшалӑхра та пуҫлхӑсем 95% яхӑн вырӑссем пулнӑ. Анчах темшӗн Ҫӗршывне 1991 ҫ вырӑс пуҫлӑхсемех ватса пӑрахаҫҫӗ. Вак халӑхсен шкулӗсене пӗтерни пуҫлӑхсене астарать кӑна.
Ҫӗнтерӳҫӗсем хӑйсемех Ҫӗршыва аркатакан сыпӑксем ҫитӗнтернӗ. Чӑваш шкулӗсем пулни Ҫӗршыва чӑрмантармасть.
Вырӑс тӑшманӗсене кӑна чӑрмантарать. Ҫӗршыв пуҫлӑхсем ҫакна ӑнлансан аванах пулччӗ пуриншӗн те.
Тӑшмансем те чейе. Ҫулсерен 1 млрд. доллар всем хываҫҫӗ Вырӑс патшалӑхне пӗтерме 1946 ҫ. тытнса. Пӗр патшалхне пӗтерчӗҫ 1991 ҫ. Путин Президент пулсан всем тата та хаяртарах вак халхсен шкулӗсене тата тӑван чӗлхене вӗрентессине тапӑнма тытнчӗҫ. Мӗншӗн тесен тӑшмансем ӑнланчӗҫ: Путин нумайлха.
2018.04.08 08:52
Хитре сăмахсемпе пире 1991 çултанпа тăрантаççĕ. Ельцин вăхăтĕнче:пурнăç япăхланас пулсан, пуçа рельсăсем çине хуратăп тесе те шантарнăччĕ. Хуракан пулмарĕ. Хут çинче анчах пирĕн пурте аван та тикĕс, варсем вара айккинче юлаççĕ, пирĕн вĕсем урлă каçса çÿремелле

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем