Ҫурла уйӑхӗн 8-мӗшӗнче Вӑрнар районӗнчи пӗр ялта пушар алхаснӑ. 40 ҫулти арҫыннӑн хуҫалӑхӗнче йывӑҫ сарай тата 11 тонна утӑ ҫунса кӗлленнӗ.

Малтанлӑха пӗлтернӗ тӑрӑх, кил хуҫи асӑрханмасӑр пирус туртнӑ, ҫавӑнпа пушар тухнӑ. Ҫитменнине, кил хуҫи ӳсӗр пулнӑ. Юрать, МЧС ӗҫченӗсем ҫулӑма кӳршисен ҫурчӗ ҫине куҫма паман.

Ҫав кунах Комсомольски районӗнчи пӗр ялта та пушар тухнӑ. 64 ҫулти арҫыннӑн килӗнче электропралука пула ҫулӑм алхаснӑ. Унта сарай ҫуннӑ, 5 тонна ытла утӑ пӗтнӗ.

#пӑтӑрмахсем, #Комсомольски районӗ, #Вӑрнар районӗ, #МЧС, #пушарсем