Сайта кӗр | Регистраци | Сайта кӗрсен унпа туллин усӑ курма пулӗ
 +14.0 °C
Ҫын валли шӑтӑк ан алт, хӑвах кӗрсе ӳкӗн.
[ваттисен сӑмахӗ]
 

Ял пурнӑҫӗ: Ҫырма-ҫатрана ҫӳп-ҫап айне путармалла мар

Сутатӑп Сумалли качака сутатӑп, Перре пӑрамланӑ
Сутатӑп Йывăçран тунă çурт сутатăп. Столовăпа котельня - кирпӗчрен. Крыша - ҫӗнӗ. Етӗрне...
Сутатӑп Алӑпа тунӑ ҫӗнӗ ача сӑпки сутатӑп.
Софья Савнеш 01.06.2017 19:37 | 2383 хут пӑхнӑ
Сумлӑ сӑмах Ял пурнӑҫӗ

Хамӑр пурӑнакан ҫурта, урама, тӑван яла тасалӑхра, тирпейлӗхре тытмалла. Анчах хӑшӗ-пӗрин пирки «эгоист» теес килет. Унашкал ҫынсемшӗн пӳрте, картише тасалӑхра тытни те ҫителӗклӗ. Урамра, ҫывӑхри ҫырма-ҫатрара ӑпӑр-тапӑр йӑваланнине куҫ курмасть унӑн.

Тепӗр тесен, ҫавнашкал ҫынсемех варалаҫҫӗ пулӗ-ха. Нумаях пулмасть Сӗнтӗрварри районӗнчи Туппай Сӗмӗл ялӗнче пулса курма тӳр килчӗ. Питӗ илемлӗ вырӑнта вырнаҫнӑ ял. Сӑртлӑ вырӑн чӑннипех те куҫа илӗртет. Малтанах ялти урамсем тирпейлӗ пулнинчен, пӗр ҫӳп-ҫап та йӑваланманнинчен тӗлӗнтӗмӗр. «Питӗ таса, тирпейлесех тӑраҫҫӗ пулмалла», - шухӑшларӑмӑр эпир. Анчах кайсан-кайсан тарӑн ҫырма куҫ тӗлне пулчӗ. Унта вара ҫӳп-ҫап – купипех! Ав ӑҫта килсе тӑкаҫҫӗ ӑпӑр-тапӑра. Вырӑнти депутат ӗнентернӗ тӑрӑх, ҫав «свалка» кӑҫал ӳссе ларнӑ. Пӗлтӗр те ҫавнашкал ӳкерчӗк пулнӑ-ха, анчах ҫӳп-ҫапа пушарнӑй машини чӗнсе илсех ҫунтарнӑ. Кӑҫал каллех ҫав купа ӳссе ларнӑ. Чи тӗлӗнмелли – ялти ҫынсенчен нихӑшӗ те унта ҫӳп-ҫап килсе пӑрахнине йышӑнмасть. Пӗлӗтрен тӑкӑнать-шим вара? Ялти тарӑн ҫырмана кам ӑпар-тапӑр килсе петӗр ӗнтӗ?

Туппай Сӗмӗл ялӗнче ҫырма темиҫе те пур. Тепри куҫ тӗлне лекрӗ. Вӑт ӗненетӗр-и: унта та ҫавнашкал лару-тӑру хуҫаланать. Ҫынсем хӑйсем валли ҫӳп-ҫап пемелли вырӑн тупнӑ – ҫырма. Анчах ку таса та тирпейлӗ урамсене, яла илемсӗрлӗх кӳнине ӑнланаҫҫӗ-ши вӗсем? Тем тесен те, ҫапла хӑтланма юрамасть, ҫутҫанталӑка кӑштах та пулин хисеплемелле.

Тӗслӗхрен, пирӗн ял тӑрӑхӗн пуҫлӑхӗ ку тӗлӗшпе питӗ ҫирӗп. Урамра, ҫырма-ҫатрара, ҫул хӗрринче ҫӳп-ҫап выртнине курсанах пуҫтарма хушать. Яла ятарласа контейнер килсе лартрӗҫ. Халӗ ял ҫыннисем ҫӳп-ҫапа миххе тултарса унта кайса хураҫҫӗ, ятарлӑ машина килсе тиесе каять.

Ялта унашкал контейнер пулмаллах. Ҫынсем пур ҫӳп-ҫапа та ҫунтарса яраймаҫҫӗ вӗт. Ҫунманнисене ӑҫта та пулин вырнаҫтармалла-ҫке. Тен, Туппай Сӗмел ялӗнчи ҫынсем ҫавӑнпа ӑпӑр-тапӑра ҫырманалла сӗтӗреҫҫӗ? Ун пек каласа тӳрре кӑларма ҫук-ха вӗсене. Ҫырма-ҫатрара ҫунман ӑпар-тапӑр ҫеҫ мар, хут, хутаҫ таврашӗ те йӑваланса выртать. Октябрьски ял тӑрӑхӗн администрацийӗн ку ыйтӑва мӗнле те пулин татса памаллах, ҫырма-ҫатрана ҫӳп-ҫап ӑшне путма памалла мар.

#Сӗнтӗрвӑрри районӗ, #экологи, #каяш, #Туппай Сӗмӗл, #тирпейсӗрлӗх

 

Ҫавӑн пекех пӑхӑр

Свалкӑшӑн 700 тенкӗ штрафланӑ
2016, 07, 01
Вӑрнар поселокӗнче свалка пухӑннӑ
2016, 07, 13
Кӳршӗри Президента тислӗк пӑшӑрхантарать
2016, 08, 09
Канашсем ҫӳп-ҫап ӑшне путнӑ
2016, 10, 24
Ҫӳп-ҫапа ҫырмана пӑрахаҫҫӗ
2016, 11, 18

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org