Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ӗни хура та — сӗчӗ шурӑ.
[ваттисен сӑмахӗ]
 

Политика: Культура министрне кам пулӑшса пырӗ?

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Таисия Ташней 15.12.2016 11:09 | 4782 хут пӑхнӑ
Сумлӑ сӑмах Политика

Ҫак кунсенче тӗнче тетелӗсенчи хаҫатсенчен пӗринче, «Правда ПФО» ятлинче, республикӑн Культура, наци ӗҫӗсен тата архив ӗҫӗсен министрне Татьяна Казакована унчченхи пуканран хӑтарнӑ хыҫҫӑн ку ыйтӑва хытах сӳтсе явма тытӑнчӗҫ.

Хӑшӗсен шучӗпе культура министрне Константин Яковлева та ҫывӑх вӑхӑтра ӗҫрен хӑтараҫҫӗ имӗш, Ҫӗнӗ ҫула должноҫе ҫухатма пултарать-мӗн. Хӑйсен шухӑшне палӑртакансенчен теприсем паян пирӗн республикӑра профессионалсем хисепре мар тесе каласшӑнни сисӗнет.

Мана вара, ахаль ҫынна, ҫакӑнта пӗр япала куҫа тӑрӑнчӗ. Малтан Константин Яковлева хӗрсех хурлатчӗҫ, халӗ вара, маларах асӑннӑ комментари тӑрӑх, вӑл профессионалсен шутӗнче пек курӑнать. Унтан ҫав авторах ҫапла хушса хунӑ: «Эпир, культура ӗҫченӗсем, юлашки ҫулта Чӑваш Енӗн культурине аркатнине тата пӗтернине, профессионалсене хӗрсех пӗтернине чуна ыраттарса сӑнатпӑр». Вӑл шухӑшланӑ тӑрӑх, хальхи вӑхӑтра министерствӑсенчи тата асӑннӑ ведомствӑна пӑхӑнакан учрежденисенчи пысӑк должноҫсене «совеҫе пӗлмесӗр хӑйсен интересне тата хапсӑнчӑклӑхне мала хуракансем» йышӑнаҫҫӗ. Ятне кӑтартман ҫав ҫын ҫирӗплетнӗ тӑрӑх, чи тӗрӗс марри — «отрасльти ҫанталӑка» «пӗр-пӗр ҫынна ҫӑмӑлӑнах инкек тума пултаракан Оринов, Николаева Лена, Ишмуратова, Ермолаева, Яковлева Света, Михайлова (Филиппова) Лида...» йышшисем тӑваҫҫӗ.

Паллӑ мар автор ҫакӑнта асӑнса кайнӑ ҫынсенчен пӗрне кӑна япӑх мар пӗлетӗп темелле. Анчах ун пирки эпӗ: «Пӗр-пӗр ҫынна ҫӑмӑллӑнах инкек тума пултарать», — теме хӑяймӑттӑм. Тен, ӑннӑ-ши мана, анчах унри ҫавӑн пек ене асӑрхаман. Ыттисен кӑмӑл-характерне пачах пӗлместӗп те, вӗсене хаклама тӑхтанӑ пулӑттӑм.

Ятне кӑтартман хайхи ҫав ҫын отрасле юри сӑтӑр тумаҫҫӗ-ши тесе пуҫ ватать. Республикӑри культура учрежденийӗн шӑпи, ҫав комментарире палӑртнӑ тӑрӑх, Яковлевпа Ориновран тата «директор, режиссер, дирижер пирки кам маларах чупса кайса ҫӑхавланинчен» килет. Вара вӗсене должность та, спектакльти роль те тивӗҫет имӗш. Ята кӑтартмасӑр ҫӑхав ҫырса та, суя сӑмах сарса та, элеклесе те, хӑратса та усал ӗҫ тӑвакан нумай тесшӗн асӑннӑ комментари авторӗ.

Юлашки кунсенче тата культура министрӗн ҫумне кама лартасси пирки пуҫ ватаҫҫӗ. Комментари авторӗсенчен хӑшӗсем вырӑссене ҫул памаҫҫӗ тесе каласшӑнни сисӗнет.

...Хам таҫта-шалта-ӑшра шухӑшланӑ тӑрӑх, чӑвашсем пысӑк вырӑн йышӑнни теприсене (ахӑртнех, чӑвашсене хӑйсене те) тарӑхтарать-вӗчӗрхентерет пек туйӑнать. Эпир вӗт хамӑр ентешӗмӗрсемшӗн, вӗсем ҫӳле кайнишӗн савӑнма пӗлсех каймастпӑр. Тата хамӑртан ӑслӑрах-вӑйлӑрах-пултаруллӑрах ӗҫтешӗмӗрсенчен хӑратпӑр курӑнать. Тепри, малалла аталанас шухӑшли, ӑслӑ-тӑнлӑ ҫынсене хӑй тавра пухма тӑрӑшӗччӗ, йӑпӑлтисенчен ҫитмӗл те ҫичӗ утӑм пӑрӑнӗччӗ...

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#культура, #тӳре-шара, #ӗҫ вырӑнӗсем, #политика

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем