Йӑлана кӗнӗ ятпа паян, раштавӑн 14-мӗшӗнче, Михаил Васильевич Игнатьев Патшалӑх Канашӗпе Чӑваш Ен халӑхӗ умне ҫырупа тухрӗ. Ҫыру ятне вӑл «Ҫамрӑксене шанмалла!» панӑ.

Кӗскен тӗп шухӑшсене пӑхса тухсан ҫакна уйӑрма пулать:

◊ политикӑн тӗп тӗллевӗсенче халӑха е уйрӑм ҫынна телейпе ырлӑх кӳмешкӗн уҫӑмлӑ, суймасӑр ӗҫлени пулмалла.

◊ пирӗн ҫутҫанталӑк умӗнче экологи енчен те культура енчен те хамарӑн яваплӑха туйма вӗренмелле.

◊ вӑрмансене ӳлӗмри ӑрусем валли сыхласа хӑвармалла.

◊ тӗрӗс апатланма вӗренмелле. «Ҫын сывлӑхӗшӗн вӑл ҫуралса ӳснӗ вырӑнта ҫитӗнтернӗ ҫимӗҫ, мӗн пӗчӗкрен ӗҫме хӑнӑхнӑ шыв кирлӗ»

◊ республикӑн лайӑх енӗсенчен пӗри, ыттисемпе тупӑшма май параканни — чӑваш ҫӗрӗ таса пулни.

◊ ял хуҫалӑхӗнче ӗҫлекенсен хӑйсен ҫӗрне тухӑҫлӑ усӑ курасси чи малтанхи тӗллев пулса тӑрать.

◊ паянхи ял хуҫалӑхӗн ҫӗнӗ технологисемпе ӗҫлемелле.

◊ малалла хӑвӑрт ӳсес тесен экономикӑн кашни пайне улӑштармалла (модернизацилемелле).

◊ экономикӑн кулленхи секторӑн аталанӑвӗнче майӗпен, ҫулран ҫул ӗҫ тухӑҫлӑхне ӳстересси пулать.

◊ предприятисемпе организацисенче ҫамрӑк ӑстасем ытларах пулни тухӑҫлӑрах ӗҫлеме пулӑшӗ.

◊ ҫамрӑксене ытларах шанмалла, вӗрене ӗненмелле!

◊ ҫынсене ӗҫ кирлӗ тата уншӑн тивӗҫлӗ укҫа илни.

◊ пин ҫын ҫине шутласан пирӗн республика Атӑлҫи Федераллӑ округра пӗрремеш вырӑнта, Раҫҫей Федерацийӗнче — 3-мӗш вырӑнта.

◊ ҫурт лартма уйӑрнӑ ҫӗрсем хыҫҫӑн тӗрӗслесех тӑмалла.

◊ ҫӗр ултавҫӑсен аллине лекмелле мар.

◊ ҫына кирлӗ пулсан сахал этажлӑ ҫурт лартма 10 соткӑран кая мар укҫасӑр ҫӗр уйӑрса памалли майсем тумалла.

◊ XXI ӗмер — ӑста ҫынсен ӗмӗрӗ.

◊ энергорессурсене перекетлӗ тата тухӑҫлӑ усӑ курма вӗренмелле.

◊ шыва хаклама пӗлмелле.

◊ ЖКХ ҫивӗч ыйтӑвӗсене вырӑнти хӑйтытӑмлӑх органӗсен шайӗнче татса памалла.

◊ ЖКХ сферине ӗҫлеме тата укҫа-тенкӗ хывма хатӗр компанисем килмелле.

◊ сӗтев илекенсене ҫураличченех тӗп тумалла.

◊ патшалӑх туянакан япаласене курма таварпа информацин пӗрлӗхлӗ системине тумалла.

◊ сӗтев илекен ҫынна Чӑваш Енӗн кашни ҫынни пӗлме тивӗҫ.

◊ укҫа хывакансене политикӑри тата халӑх хушшинчи лӑпкӑлӑх килӗшет.

◊ Чӑваш Ен вӑйӗ ун ҫыннисенче, халӑх сывлӑхӗ хамӑр ачасене епле ӳстернинчен килет.

◊ тивӗҫлӗ ӑру ҫитӗнтерме ҫемье ҫеҫ пултарать, вӑл халӑх никӗсӗ, пӗтӗм пурнӑҫӑн никӗсӗ.

◊ кил-йышра тӑнӑҫлӑхпа лӑпкӑлӑх пулни питӗ паха тесе шутлатӑп.

◊ ача пахчисемпе тивӗҫтерес ыйтӑва пӗтӗмӗшле пӑхни ҫеҫ пулӑшма пултарӗ.

◊ бизнеспа студентсем хушшинчи ҫыхӑнӑ вӑйлӑланмалла.

◊ велочарӑнусем хатӗрлеме пуҫламалла.

◊ эпир политикӑна малашне те социаллӑ енпе ирттерӗпӗр.

◊ сусӑр ҫынсене вӗренме пулӑшӑпӑр.

◊ 15 пӗрлехи мадицина центрӗсенче ятарлӑ медицина пулӑшӑвне илме пулӗ.

◊ пирӗн халӑхӑн ӑс-хакӑл шайне ӳстересси те питӗ кирлӗ ӗҫ.

◊ ачасене вулама хӑнӑхтарасси, вӗрентесси — пирӗн халӑха малалла аталанма ҫул параканнисенчен пӗри.

◊ ялсене куҫма ӗмӗтленекен ҫынсене эпир пур енчен те пулӑшма тӑрӑшмалла.

◊ йӑлапа услуга сферине аталантарса, уйрӑмах ял тӑрӑхӗсенче, эпир пурнӑҫ пахалӑхне ӳстерме пултаратпӑр.

(куҫару — Админӑн)

Тулли вариантпа кунта паллашма май пур.

Ҫыру «ӗненӳ, ҫирӗп кӑмӑл тата ӑс пулсан ӑнӑҫу пулатех» сӑмахсемпе вӗҫленчӗ.

#ҫамрӑксем, #Чӑваш Ен, #ҫыру