Куславккари налукҫӑсем налук аван пухаҫҫӗ

Федерацин налук службин республикӑри управленийӗ экономика ӑмӑртӑвӗн кӑтартӑвне палӑртма инспекцисем хушшинче кашни кварталта пӗрре ӑмӑрту ирттерессине йӑлана кӗртсе янӑ. Хальхинче управлени пӗрремӗш квартала пӗтӗмлетнӗ.

Ку хутӗнче Чӑваш Енри инспекцисенчен куславккасене ҫитекенни пулман. Унти 7-мӗш номерлӗ инспекци пӗрремӗш вырӑна тухнӑ. Маттур налукҫӑсене Федерацин налук службин республикӑри управленийӗн коллегийӗн нумаях пулмасть иртнӗ анлӑ ларӑвӗнче дипломпа чысланӑ.

Сӑмах май каласан, налукҫӑсен ӗҫне управлени налук пухассин шайра пулса пынине, тӗрӗслев ӗҫӗн пахалӑхне, парӑма чакарнине, налук тӳлекенсемпе ӗҫленине, ӗҫ дисциплинине тата ытти хӑш-пӗр критерие кура хаклать.

#Куславкка, #укҫа-тенкӗ, #ӑмӑртусем, #налуксем