Паян Красноармейски районӗнчи шкулсенче те пӗрремӗш шӑнкӑрав янӑрарӗ. Пӗлӳ кунӗнче шкул партти хушшине 1900 ача ларчӗ. Вӗсенчен 156-шӗ — пӗрремӗш хут.

Красноармейски район администрацийӗн пуҫлӑхӗ В.В.Александров ялти иккӗмӗш номерлӗ шкулта пулчӗ, ҫӗнӗ вӗренӳ ҫулӗ пуҫланнӑ ятпа ачасене, вӗрентекенсене, ашшӗ-амӑшне тата педагогика ӗҫӗн ветеранӗсене саламларӗ. Тӗрлӗ конкурсра ҫӗнтернӗ вӗренекенсемпе вӗрентекенсене Хисеп хучӗсемпе Дипломсем парса чысларӗ. Савӑнӑҫлӑ линейкӑра шкул директорӗ С.М.Николаева тата районти педагогика ӗҫӗн ветеранӗсен организацийӗн ертӳҫи Л.Г.Григорьев тухса саламлӑ сӑмах каларӗҫ. Пӗрремӗш шӑнкӑрава кӑҫал вунпӗрмӗш класра вӗренекен Миша Фризенпа пӗрремӗш класс вӗренекенӗ пачӗҫ.

Трак чӑваш-нимӗҫ гимназийӗнче Красноармейски район администрацийӗн пуҫлӑхӗн ҫумӗ, вӗрентӳ пайӗн пуҫлӑхӗ, Чӑваш Республикин тава тивӗҫлӗ учителӗ Ю.А.Васильев пулчӗ, вӗренӳ ҫулӗн пӗрремӗш шӑнкаравӗ янӑранӑ ятпа саламларӗ. Линейкӑра хӑйсен салам сӑмахне гимнази директорӗ Г.И.Юлмасова тата шкулти попечительсен канашӗн председателӗ И.В.Дмитриев каларӗҫ. Шкулти чи лайӑх вӗренекенсене Мухтав хучӗпе чысларӗҫ. Пӗрремӗш шӑнкӑрав сассине кӑлараканни кӑҫал Галина Илларионовна Юлмасова пулчӗ.

Районти пур шкулта та Пӗлӳ кунне халалланӑ уяв йӗркекллӗ те савӑнӑҫлӑ иртрӗ.

Сӑн пуххисем: 1-мӗш, 2-мӗш

#Красноармейски районӗ, #шкулсем