Усламҫӑсене пули-пулми чӑрмантарма юрамасть те, кирлӗ-кирлӗ марпа тӗрӗслени саккуна пӑсни пулать. Кирлипе тӗрӗслес тесен те йӗркене пӑхӑнмалла. Чӑваш Енӗн Экономика аталанӑвӗн министерствинче тӑрӑшакан пӗр специалист ҫакӑн пирки те пӗлмен ӗнтӗ, те темех мар тенӗ-ши — тимӗр-тӑмӑр пуҫтаракан тата тирпейлекен фирмӑра тӗрӗслев ирттернӗ чух кирлӗ процедурӑна пӑхӑнман. Хайхи инспектора министерство тӗрӗслев ирттерме нимле ирӗк те паман пулнӑ. Кун пирки шучӗпе ятарлӑ хушу кӑлармалла пулнӑ.

Приказсӑр-мӗнсӗрех тӗрӗслесе ҫӳренӗшӗн министерство тӳри-шари тӗлӗшпе прокуратура административлӑ ӗҫ пуҫарнӑ. Тӳре-шарана административлӑ майпа явап тыттарӗс. Унсӑр пуҫне министерствӑна асӑрхаттару хучӗ ярса панӑ.

#пӑтӑрмахсем, #тӗрӗслевсем, #Экономика аталанӑвӗн министерстви, #прокуратура