Раштав уйӑхӗн 16-мӗшӗнче Шупашкарта хӗр автобус айне пулнӑ. Вӑл светофор ҫук вырӑнта, «зебрӑпа», ҫул урлӑ каҫма тӑнӑ та ун ҫине 15-мӗш маршрутпа ҫӳрекен автобус пырса кӗнӗ.

Ку видеокамера ҫине лекнӗ. Анчах ҫав вырӑнта самай тӗттӗм пулнӑран автобус водителӗн чарӑнса ӗлкӗрме шанчӑк пулнипе пулманни курӑнмасть. Ҫав вырӑнта елка ҫути ҫеҫ ӳкет. Руль умӗнче 63 ҫулти арҫын ларнӑ.

Ӗнер ҫав хӗр пульницӑра вилнӗ. Вӑл 22 ҫулта пулнӑ. Общество хастарӗсем авари хыҫҫӑн ҫав вырӑна ҫутӑ лартма ыйтнӑ. Халӗ унта ҫул урлӑ каҫакансем лайӑхрах курӑнаҫҫӗ.

#пӑтӑрмахсем, #Шупашкар