Сайта кӗр | Регистраци | Сайта кӗрсен унпа туллин усӑ курма пулӗ
 +3.3 °C
Ют ҫын — хир урлӑ, хӑв тӑвану — вут урлӑ.
[ваттисен сӑмахӗ]
 

Культура: Чӑваш сцени ҫинчи вӑрланӑ юрӑ

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Таисия Ташней 03.07.2016 07:42 | 5401 хут пӑхнӑ
Сумлӑ сӑмах Культура

Яла кайсан Наци радиовне е Тӑван радиона вӗҫӗмех итлетӗп. Ӗҫ пӑрахса, ҫине тӑсӑлса выртса мар-ха. Ӗҫе кӳлӗнсен янӑратать те вӗсене тусӑм. Унпа пӗрле чылай чухне ирӗксӗртен тенӗ пек эпӗ те чӑваш юррисене итлетӗп.

Ирӗксӗртен итлетӗп тенинчен хытах тӗлӗнме кирлӗ мар. Сӑлтавӗ — кирек мӗнле ӗҫре те профессионала кӑмӑлланинче. Юрӑҫ, композитор, сӑвӑҫ пирки те ҫавнах каланӑ пулӑттӑм. Теприсем тата хӑйсене ытла та универсал тесе шухӑшланӑран пулӗ, сӑввине те ҫыраҫҫӗ, кӗввине те хываҫҫӗ, хӑйсемех шӑрантараҫҫӗ. Чӑннипех пултаруллисене, хамӑн ҫавӑн йышши талант ҫуккине кура, хӑпартланса та савӑнса йышӑнмалла пек. Анчах пиҫи-пиҫми сӑвӑпа, пиҫи-пиҫми кӗвӗпе, пиҫи-пиҫми сасӑпа сцена ҫине тухакансене хавхаланса йышӑнма чӑтӑмлӑх ҫитменни пӗтерет.

Паян вара тӗнче тетелӗнчи халӑх ушкӑнӗсенчен пӗринче, «Контактра», «Эсӗ ман хӗвелӗм, эсӗ ман тӗнче» ушкӑнра Ирина Степанова плагиат юрӑсем пирки сӑмах пуҫаранипе тӗл пултӑм. Акӑ еплерех ҫырнӑ вӑл:

«Чӑваш эстрада ҫӑлтӑрӗсем час-часах сцена ҫине Раҫҫей е тӗнче хичӗсемпе (сӑмахӗсене куҫарса е паллӑ кӗвӗ ҫине урӑх текст хурса) тухни никамшӑн та вӑрттӑнлӑх мар. «Плагиат» тӗслӗхӗсемпе «Унталла та кунталла пӗр пекех юрламалла» ушкӑнра тӗплӗнрех паллашма пулать.

Телее, пур артист та плагиатпа ҫыхланмасть. Вӗсен тивлечӗпе тата чӑваш сӑвӑҫисемпе композиторӗсем тӑрӑшнипе чӑнласах ЧӐВАШ эстради пур та. Паллах, плагиат тӗслӗхӗсем анлӑ сарӑлни чӑваш эстрадине пуянлатмасть.

«Вӑрланӑ» юрӑсене мӗнле хакламалла-ши? Пӗр енчен, паллӑ кӗвӗпе чӑваш сӑмахӗсене ташлаттарни ахаль итлекеншӗн савӑк пек. Тепӗр енчен, ку — автор прависене пӑсни, паллӑ кӗвӗ ҫинче чап патне ҫӑмӑл ҫул хывма тӑрӑшни. Эсир мӗнле шутлатӑр?

Хамӑр енчен чӑваш эстрада юрӑҫисене чӑнласах илемлӗ ЧӐВАШЛА юрӑсем ҫырма, тупма сунас килет. Паллах, хатӗррипе усӑ курма ҫӑмӑл, анчах чӑваш чун-чӗринче туптаннӑ паха кӗвӗ-юрӑ хакӗ тем тесен те пысӑкрах».

Ҫапла, ку вӑл пӗр ҫын шухӑшӗ. Килӗшме пулать-ши унпа е ним ҫукран нимӗр тенӗ евӗр, вӑрланӑ юрӑ-кӗвӗ те аван-ши?

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#юрӑсем, #культура, #пултарулӑх, #чӑвашлӑх

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем