Тунтикун, Тӑван ҫӗршыв хӳтӗлевҫин кунӗнче, Шӑмӑршӑ районӗнчи Васан тӗп шкулӗнче Вячеслав Еремеев кубокӗшӗн тупӑшрӗҫ — волейбол ӑмӑртӑвӗ иртрӗ.

Чи малтанах турнира килнӗ спортсменсене Васан ял тӑрӑхӗн пуҫлӑхӗ Юрий Ильин саламланӑ. Хӑйӗн сӑмахӗнче вӑл районта ҫамрӑксене спорта явӑҫтарас тӗлӗшпе сахал мар ӗҫ туни пирки каланӑ. Тӗслӗх пек ҫак волейбол ӑмӑртӑвне илсе панӑ.

Шкул спортзалне пурӗ виҫӗ команда тухнӑ — Васан ушкӑнӗ, Чӑваш Республикин министерствисен тӳре-шарисем тата Каҫал тӑрӑхӗнчи Урмаел тутар ялӗнчи ушкӑн. Пӗрремӗш вырӑна васансем йышӑннӑ, иккӗмӗшӗсем министерство ӗҫченӗсем пулнӑ, виҫҫӗмӗшсем — урмаелсем. Вӗсене кашнине хисеп хучӗсемпе тата парнесемпе тивӗҫтерчӗҫ.

Вячеслав Еремеев турнирӗ — кашни ҫул иртекен район шайӗнчи волейбол ӑмӑртӑвӗ. Вячеслав Еремеев вара вырӑнти усламҫӑ, ҫак тӑрӑхра ҫуралса ӳснӗ.

Сӑнсем (14)

#спорт, #уявсем, #Тӑван ҫӗршыв хӳтӗлевҫисен кунӗ, #Шӑмӑршӑ районӗ, #Урмаел, #Васан, #волейбол, #ӑмӑртусем, #тӳре-шара, #Комсомольски районӗ