МАХри «Первый чувашский» каналтан илнӗ сӑнӳкерчӗк

Кивелмен, япӑхман, ҫӗрмен, тутӑхман, япӑхсӑра тухман япала ҫук ҫав ӗнтӗ. Шупашкарта, ав, паян ҫутӑ юпи тӳнсе кайнӑ. Килсене ҫутӑ парса тӑма туса лартни мар-ха.

Шупашкар хулинчи Сӗнтӗрварри шосси ҫинче троллейбуссем чарӑнса ларнӑ. Унта троллейбуссем ҫӳреме карнӑ ҫутӑ пӑралукне тытса тӑракан юпа тӳнсе кайнӑ. Асӑннӑ транспорт электричествӑсӑр ҫуреймест те ирӗксӗрех чарӑнса ларма тивнӗ.

Пӑтӑрмах пирки МАХри «Первый чувашский» каналта пӗлтернӗ. Кӗске хыпарта юсав ӗҫне пуҫаннипе пуҫӑнманни пирки нимӗн те каламан. Ахӑртнех, ятарлӑ службӑсем вырӑна пырса ҫитнех пулӗ ӗнтӗ. Хальччен, тен, юпана тӑратса та лартнӑ пулӗ е ун вырӑнне урӑххине, тен, вырнаҫтарнӑ-тӑр. Троллейбус халӑха турттаракан транспорт та ӗҫе вӑраха ямаҫҫӗ пулӗ.

#пӑтӑрмахсем, #Шупашкар, #транспорт, #ҫул-йӗр, #троллейбуссем