cap.ru сӑнӳкерчӗкӗ

Тухтӑрсем хура ҫӗлен ачан пурнӑҫне ҫӑлнӑ.

Ӗҫ-пуҫ ҫапларах пулса иртнӗ; 12 ҫулти ача уҫӑлса ҫӳренӗ чухне ҫӗлен курнӑ та ӑна тытса пӑхас тесе аллине тӑснӑ. Ҫӗлен ӑна пӳрнинчен сӑхнӑ.

Ачан ашшӗпе амӑшӗ тӳрех васкавлӑ медпулӑшу чӗннӗ. Арҫын ачана Шупашкара Республикӑри ача-пӑча клиника пульницине илсе ҫитернӗ. Хальхи вӑхӑтра вӑл унта сипленет. Унӑн сывлӑхӗ лайӑхах, ҫапах тухтӑрсем ӑна кӑштах сӑнаса тӑмаллине пӗлтернӗ.

#пӑтӑрмахсем, #ачасем, #пульницӑсем, #ҫӗленсем, #Шупашкар