ШӖМ тунӑ сӑн

Паян 8 сехет те 45 минутра Ҫӗнӗ Шупашкарти Пионерсен урамӗнче икӗ шурӑ машина ҫапӑннӑ. Аварире 9 ҫулти хӗрача шар курнӑ.

Малтанлӑха пӗлтернӗ тӑрӑх, «Опель» машинӑн рулӗ умӗнче 34 ҫулти хӗрарӑм ларнӑ. Вӑл сулахаялла пӑрӑннӑ чухне «Хендай» машинӑна ҫул паман. Икӗ машина пырса тӑрӑннӑ.

9 ҫулти хӗрача хӗрарӑмпа пӗр машинӑра пулнӑ. Аварире вӑл купарча шӑммине хуҫнӑ. Ӑна пульницӑна илсе ҫитернӗ.

#пӑтӑрмахсем, #Ҫӗнӗ Шупашкар, #ҫул-йӗр, #ачасем