stolica-s.su сайтри сӑн

Шупашкарта пурӑнакан 33 ҫулти арҫынна влаҫ ҫыннине хирӗҫ тӑнӑшӑн суд тунӑ. Вӑл приставӑн аллине машина кантӑкӗпе хӗстернӗ.

Следстви тата суд палӑртнӑ тӑрӑх, пӗлтӗр раштав уйӑхӗн 5-мӗшӗнче суд приставӗсемпе ҪҪХПИ ӗҫченӗсем рейд ирттернӗ. Хулари пӗр картишре приставсем парӑмҫӑн машинине асӑрханӑ, хуҫи шалтах ларнӑ. Пристав уҫӑ кантӑкран ӑна удостоверени кӑтартнӑ.

Водитель унӑн аллине кантӑкпа хӗстернӗ, ҫапла ӑна ҫур сехете яхӑн тытса тӑнӑ. Арҫынна суд тӗрмене хупмасӑр 1 ҫуллӑха айӑпланӑ.

#Шупашкар, #ҪҪХПИ, #приставсем