Кӑрлачӑн 26-мӗшӗнче 11 сехет те 10 минутра «Шупашкар – Сурски» автоҫулӑн 85-мӗш ҫухрӑмӗнче, Ҫӗмӗрле районӗнче, авари пулнӑ. Пӑтӑрмахра ача чӳречерен вӗҫсе тухнӑ.

ҪҪХПИ пӗлтернӗ тӑрӑх, водитель руле итлеттерейменнипе кювета чӑмнӑ. Аварире 9 ҫулти арҫын ача хыҫалти алӑкӑн чӳречинчен вӗҫсе тухнӑ. Ӑна пульницӑна илсе ҫитернӗ. Ача каланӑ тӑрӑх, вӑл хыҫалта ларнӑ, хӑрушсӑрлӑх пиҫххипе ҫыхӑннӑ пулнӑ.

Салонра унсӑр пуҫне 3-ри, 5-ри тата 12 ҫулти ачасем ларнӑ. Иккӗшӗ ача-пӑча кресли ҫинче пулнӑ.

#ҫул-йӗр, #Ҫӗмӗрле районӗ, #ачасем, #ҪҪХПИ