ҪҪХПИ тунӑ сӑн

Нарӑсӑн 28-мӗшӗнче «Шупашкар – Сурски» автоҫул ҫинче, Пӑрачкав районӗнче, ҫул-йӗрпе патруль службин ӗҫченӗсем «Форд Транзит» микравтобуса чарнӑ. Унта вара 15 пассажир пулнӑ.

Водителӗн путевка тата тахограф пулман. Саккуна пӑсса пассажирсене илсе ҫӳрекен арҫынна Пӑрачкав районӗнчи полици уйрӑмне илсе ҫитернӗ. Арҫын ӑнлантарнӑ тӑрӑх, вӑл ҫынсене Улатӑртан Сергиев Посад хулине шапаша илсе кайма тухнӑ, вӗсенчен ҫул укҫи илмен имӗш.

Патшалӑх автоинспекцийӗ пассажирсене асӑрхануллӑ пулма сӗнет.

#ҫул-йӗр, #ҪҪХПИ, #Улатӑр, #Пӑрачкав районӗ, #автобуссем