Шупашкарти «Садовый» микрорайонти общество транспорчӗн чарӑнӑвне вандалсем аркатнӑ. Вӗсем унӑн алюмини стойкине йӑкӑртнӑ. Ҫавна май павильон ишӗлсе аннӑ.

Чӑннипе, ку микрорайонти чарӑнусене вандалсем тахҫанах куҫ хывнӑ. «Управление ЖКХ и благоустройство» пӗлтернӗ тӑрӑх, нарӑс уйӑхӗн вӗҫӗнче Айхи проспектӗнчи общество чарӑнӑвӗн пилӗк павильонӗн кантӑкӗсене ҫӗмӗрнӗ.

Хальхинче ав алюмини стойкӑна вӑрланӑ, павильон ҫӗре персе аннӑ. Халӗ ӑна «Дорэкс» базине юсамашкӑн ӑсатнӑ. Каярахпа чарӑну павильонӗ хӑйӗн вырӑнне таврӑнӗ.

#чарӑнусем, #вандалсем, #Шупашкар