Республикӑра — каллех инкек. Каллех шывра ҫын путса вилнӗ. Хальхинче пӑтӑрмах Патӑрьел районӗнче пулнӑ.

17 ҫулти каччӑ, Ыхракасси ялӗнче ҫуралнӑскер, ҫурла уйӑхӗн 24-мӗшӗнче 15 сехет ҫурӑра пӗве хӗрринче пулнӑ. Унӑн виллине ял ҫыннисем курнӑ, часрах шывран туртса кӑларнӑ.

Ҫынсем каланӑ тӑрӑх, ҫамрӑкскер 20 метр сарлакӑш, 4 метр тарӑнӑш пӗве урлӑ ишсе кайма хӑтланнӑ. Анчах мӗн пулнӑ унпа? Халӗ ку ӗҫ тӗлӗшпе следовательсем ӗҫлеҫҫӗ.

#пӑтӑрмахсем, #Ыхракасси, #Патӑрьел районӗ, #ҫамрӑксем