Следстви комитечӗ тунӑ сӑн

Пуш уйӑхӗн 29-мӗшӗнче кӑнтӑрла Комсомольски тӑрӑхӗнчи Александровка ялӗнче пушар пулнӑ. Ҫулӑма сӳнтерсен 58 ҫулти арҫын виллине тупнӑ.

Инекек вырӑнне следователь килнӗ, пушар вырӑнне тӗплӗн пӑхнӑ. Малтанлӑха пӗлтернӗ тӑрӑх, ҫулӑм юсавсӑр электропралука пула тухнӑ. Халӗ следстви умӗнхи тӗрӗслев пырать.

osnovam.ru сӑнӳкерчӗкӗ

Муркаш районӗнчи прокуратура ҫул-йӗр хӑрушсӑрлӑхӗн сферинче саккунсене пурнӑҫланине тӗрӗсленӗ.

Хорнуй ялӗнчи Шкул урамӗнчи ҫул япӑхма пуҫланине тата унти кӗпер шӑтӑк-путӑкланса кайнине тупса палӑртнӑ. Кӗпер ҫинче ҫуран ҫӳрекенсем валли пӑхса хӑварнӑ пай та япӑхнӑ.

Асӑннӑ ҫулпа тата кӗпер урлӑ шкул автобусӗ те ҫӳрет. турттарать.

Район прокуратури тӗрӗслев тӑрӑх Муркаш муниципалитет округӗн администрацине асӑннӑ сооружение юсама, кӗпее хӑйӗн балансӗ ҫине илме ыйтса суда тавӑҫпа тухнӑ. Кӑлтӑка пӗтерме суд яваплисене 4 уйӑх вӑхӑт панӑ.

m.fishki.net сӑнӳкерчӗкӗ

Хӗрлӗ Чутай муниципаллӑ округӗнчи пӗр ялта пурӑнакан 52 ҫулти арҫынна РФ Пуҫиле кодексӗн 105-мӗш статйин 1-мӗш пайӗпе айӑпланӑ.

Суд тенкелӗ ҫине лартнӑ ҫын пӗлтӗрхи чӳк уйӑхӗн 27-мӗшӗнче Хурапыр ялӗнче 66 ҫулти пӗлӗшӗпе эрех ӗҫнӗ. Тавлашса кайнӑ хыҫҫӑн ӑна хӗнеме тапранса кайнӑ. Кайран алла пуртӑ ярса илсе унпа 6 хуран кая мар ҫапнӑ. Шар курни инкек вырӑнӗнчех вилсе кайнӑ.

Хӗнекен этеме суд ҫирӗп режимлӑ колоние 9 ҫуллӑха ӑсатма йышӑннӑ.

myskillsconnect.com сӑнӳкерчӗкӗ

Елчӗк тӑрӑхӗнче ҫула юртан тасатма ӳсӗр тракторист тухнӑ. Пӑтӑрмаха пӗлтӗрхи раштав уйӑхӗнче тупса палӑртнӑ.

Таяпи Энтри ялӗнче пурӑнакан 53 ҫулти арҫынна суд ӳсӗр пуҫпа руль тепре ларнӑ.

Ӑна унччен административлӑ майпа пӗрре явап тыттарнӑ-ха. Ӳсӗрле ҫула тухнӑскерӗн правине те туртса илнӗ. Вӑл ун хыҫҫӑн права илме шутламан та курӑнать.

Пӗлтӗрхи раштав уйӑхӗн 19-мӗшӗнче правасӑр арҫын «Комсомольски-Елчӗк-Пӑва» ҫула юртан тасатма тухнӑ. Ӑна ҫул-йӗр хӑрушсӑрлӑхӗн инспекторӗсем курнӑ. Вӑл каллех ӳсӗр пулнӑ.

umc-kem.ru сӑнӳкерчӗкӗ

Миграци сферинче йӗрке тумалли юлашки вӑхӑтра пӗрмаях калаҫаҫҫӗ. Ҫапла тума мигрантсем тунӑ преступленисен шучӗ ӳсни те хистет.

Пуш уйӑхӗн 26-мӗшӗнче Шалти ӗҫсен министерствин Миграци ыйтӑвӗсемпе ӗҫлекен управлени ӗҫченӗсем Ҫӗнӗ Шупашкарти строительство объектӗнче тӗрӗслев ирттернӗ. Унта ют ҫӗршыв ҫыннисем ӗҫленӗ. Вӗсен ятарлӑ документсем пулман. Вӗсене административлӑ майпа явап тыттарнӑ. Ҫавӑн пек майпа саккуна тата тепре пӑссан вӗсене тӑван тӑрӑхне ӑсатасси пирки пӗлтереҫҫӗ.

Миграци саккунне пӑсакансем пирки ҫынсене йӗрке хуралҫисене систерме ыйтаҫҫӗ.

ШӖМ тунӑ сӑн

Паян 14 сехетре Шупашкартан Шупашкар округӗнчи Ҫӗньяла ҫӳрекен 15-мӗш автобус водителӗ руле итлеттереймен – кювета чӑмнӑ. Ку аэропортран инҫех мар пулса иртнӗ.

Юрать-ха, салонра 2 пассажир кӑна пулнӑ. Вӗсем те, водитель те аманман.

Паян республикӑра юр ҫӑвӑть. Унччен вара асфальт тухнӑччӗ. Ахӑртнех, ҫул-йӗре тасатса тӑракансем пуш уйӑхӗн вӗҫӗнче кунашкаллине кӗтмен – авари пулнӑ ҫӗрте ҫул тасах курӑнмасть. Ҫынсем каланӑ тӑрӑх, унччен маларах унта ҫӑмӑл машина кювета чӑмнӑ.

ҪҪХПИ тунӑ сӑн

Паян кӑнтӑрла М-7 ҫул ҫинче тырӑ турттаракан машина икӗ автомобильпе ҫапӑннӑ. Тырӑ сапаланса пӗтнӗ.

Ку пӑтӑрмах Ҫӗрпӳ хулинче, М-7 ҫулӑн 679-мӗш ҫухрӑмӗнче, пулнӑ. КамАЗ «Тойотӑпа» тата «Лада Калинӑпа» ҫапӑннӑ. КамАЗри тырӑ ҫул тӑрӑх сапаланса пӗтнӗ.

Телее, аварире никам та аманман.

yaplakal.com сӑнӳкерчӗкӗ

Чӑваш Енри хӗрарӑм кутамккара бомба тесе хӑратнӑ. Мускавран Санкт-Петербурга вӗҫсе кайма хатӗрленнӗ самолётра пӑтӑрмах сиксе тухнӑ. Бортпроводниксем ӑна кӗтмен ҫӗтен тӗрӗслеме йышӑннӑ. Ҫапла тума вӗсене пассажирсенчен пӗри хӑйӗн рюкзакӗнче бомба тесе калани хистенӗ.

Хӗрарӑма часах самолётран илсе тухнӑ. Ҫула кайма пуҫтарӑннӑ ҫав этем: «Шӳтлерӗм», — тесе тӳрре тухма хӑтланнӑ.

«Смартавиа» авиакомпанин Мурманскран Мускава килме тухнӑ рейсӗнче те ун пек «шӳтлекен тупӑннӑ». Вӑл ҫын Чӑваш Ен арҫынни пунӑ. 34 ҫулти пассажир тӗлӗшпе пуҫиле ӗҫ пуҫарнӑ.

"Про Город" сайтри сӑн

Паян 10 сехетсенче Шупашкарти «Ҫӗнӗ хула» микрорайонта общество чарӑнӑвӗнче арҫын виллине асӑрханӑ. Вӑл «Иван Прокопьев урмӗ» чарӑнура выртнӑ.

Ҫакна курнӑ ҫынсем каланӑ тарӑх, вырӑна васкавлӑ медпулӑшу ҫитнӗ. Анчах арҫынна пулӑшу кирлӗ пулман – вӑл вилнӗ.

Каярахпа арҫын виллине ритуаллӑ служба ӗҫченӗсем илсе кайнӑ.

medtehnika-1.ru сӑнӳкерчӗкӗ

Лапсар посёлокӗнче пурӑнакан хӗрарӑм сусӑр кӳмине сутас тесе 1,5 миллион тенкӗсӗр тӑрса юлнӑ. Ултавҫӑсен аллине ҫакланни пирки вӑл йӗрке хуралҫисене пуш уйӑхӗн 23-мӗшӗнче пӗлтернӗ.

Тӳлевсӗр пӗлтерӳсен сайчӗ урлӑ вӑл сусӑр кӳмине тата матрас сутас тенӗ.

Хӗрарӑм парне кӗҫех палламан ҫын шӑнкӑравланӑ. Вӑл тавара туянасшӑн пулнине, анчах йӑнӑшпа 200 пин ытла тенкӗ куҫарса панине ӗнентернӗ. Кӳме сутакана ятарлӑ приложени вырнаҫтарма ӳкӗте кӗртнӗ. Ун урлӑ хӗрарӑм ют ҫынна икӗ ӑстрӑмпа 200 пин тенкӗ ытла куҫарса панӑ. Вӑл укҫана ултавҫӑсем кредит шучӗпе илнӗ.

Укҫана куҫарса панӑ чухне банк операцие икӗ хутчен те чарса хунӑ. Анчах хӗрарӑм банк ӗҫченӗсем патне шӑнкӑравласа укҫана куҫарса пама ыйтнӑ. Унран та ытларах – вӑл инҫет ҫыхӑну мелӗпе тепӗр банкра кредит илнӗ. Ют ҫынсене Лапсар хӗрарӑмӗ пӗтӗмпе 1,5 миллион ытларах тенкӗ куҫарса панӑ.