Сайта кӗр | Регистраци | Сайта кӗрсен унпа туллин усӑ курма пулӗ
 +1.3 °C
Кушака — кулӑ, шӑшие — вилӗм.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем
ru.freepik.com сӑнӳкерчӗкӗ
ru.freepik.com сӑнӳкерчӗкӗ

Канаш муниципаллӑ округӗнчи пёр хӗрарӑм ултавҫӑсен аллине икӗ хутчен ҫакланнӑ. Пӗрремӗшӗнче, кӑрлач уйӑхӗнче, вӑл 9 пин те 500 тенкӗсӗр тӑрса юлнӑ, хальхинче – 850 пин тенкӗсӗр.

Ултавҫӑсен аллине 49 ҫулти хӗрарӑм ҫакланнӑ. Хальхинче ӑна такамсем кредит илесшӗн, операцие пӑрахӑҫлас тесен кивҫен илсе шанчӑклӑ счёт ҫине куҫарса пама сӗннӗ. Хӗрарӑм итленӗ. 850 пин тенке ют ҫынсене самантрах куҫарса панӑ.

 

Пӑтӑрмахсем

«Крокус ситипе» юнашар ҫуртра спорт ташши енӗпе Раҫҫей чемпионачӗ иртнӗ. Унта Чӑваш Енрен 5 мӑшӑр хутшӑнма палӑртнӑ.

Террористсем тапӑннӑ вӑхӑтра ӑмӑртура Чӑваш Енри пӗр мӑшӑр тата тренер пулнӑ. Пенӗ сасӑсем илтӗнме пуҫласанах спортсменсем спорт тумӗпех урама эвакуациленнӗ. Тӗп алӑк хупӑ пулнӑран вӗсем отель урлӑ тухнӑ. Хывӑнса тӑхӑнмалли пӳлӗмре вӗсен харпӑр япалисем юлнӑ. Телефонӗсем ҫине шӑнкӑрав каять - апла вӗсем пушарта сиенленмен.

Тепӗр 4 мӑшӑрӑн ӑмӑртӑва паян каймалла пулнӑ, вӗсем билетсем те илсе хунӑ. Раҫҫейри спорт ташшин федерацийӗ ӑмӑрту иртмессине пӗлтернӗ.

 

Пӑтӑрмахсем
rutube.ru сайтри сӑн
rutube.ru сайтри сӑн

Ӗнер каҫхи 8 сехетре Мускав ҫывӑхӗнчи «Крокус ситире» теракт пулнӑран ЧР Элтеперӗ Олег Николаев канмалли кунсенче ирттерме палӑртнӑ массӑлла мероприятисене пӑрахӑҫласси пирки пӗлтернӗ. «Mash» телеграм-канал пӗлтернӗ тӑрӑх, терактра 133 ҫын вилнӗ. Ку хисеп тата ӳсме пултарать. Ҫынсем пӑшалтан пенипе тата сӗрӗмпе чыхӑнса вилнӗ. Террористсем залри пукансене чӗртсе янӑ.«»

4 террориста Брянск облаҫӗнче тытса чарнӑ. Вӗсем - Таджикистан ҫыннисем. Ҫӳлерех асӑннӑ телеграм-канал пӗлтернӗ тӑрӑх, вӗсене терактшӑн 500 пин тӳлеме шантарнӑ, ҫуррине аванс панӑ. Вӗсемпе телеграмра палламан ҫынсем ҫыхӑннине, терактшӑн укҫа тӳлесси пирки каласа кӑтартнӑ вӗсем.

Паян чылай хулара траур. Шупашкарта та Республика тӳремне ҫынсем чечексем пырса хураҫҫӗ.

 

Пӑтӑрмахсем
forum.na-svyazi.ru прталтан илнӗ сӑнӳкерчӗк
forum.na-svyazi.ru прталтан илнӗ сӑнӳкерчӗк

Хӗрлӗ Чутай муниципаллӑ округӗнче пуӑнакан пӗр хӗрарӑм кӗтмен-туман ҫӗртен парӑма кӗрсе кайнӑ. Ун ячӗпе вырӑнти микрозайм организацийӗн ӗҫченӗ хӑйне валли кивҫен илнӗ.

Хӗрарӑм ҫавӑнта унччен кивҫен илнӗ-ха. Кӑштахран пӑхать те парӑм ӳссе кайнӑ. Хӗрарӑм прокуратурӑран пулӑшу ыйтать.

Надзор органӗ кредит менеджерӗ ҫын ячӗпе суя виҫӗ килӗшӳ, пурӗ 25 пин тенкӗлӗх, тунине палӑртать. Укҫана ҫав ҫын хӑйне илнӗ.

Халӗ арҫын тӗлӗшпе пуҫиле ӗҫ пуҫарнӑ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Ӗнер каҫхине 18 сехет ҫурӑра Муркаш округӗнчи Нискассипе Юнкӑпуҫ ялӗсен хушшинче фура водителӗ 35 ҫулти хӗрарӑма ҫапса кайнӑ. Вӑл, шел те, суранӗсене пула ҫавӑнтах вилнӗ.

63 ҫулти водитель - Пушкӑртстанран. Вӑл каланӑ тӑрӑх, хӗрарӑм ҫул ҫине ӑнсӑртран тухнӑ. Ҫав вырӑнта ҫул урлӑ каҫмалли «зебра» ҫук. Водитель урӑ пулни паллӑ.

Вилнӗ хӗрарӑм - Нискассипе юнашар Ярӑслав ялӗнчен. Халӗ ӗҫ-пуҫа уҫӑмлатаҫҫӗ.

Хыпар ҫӑлкуҫӗ: https://t.me/mvd_chuvashia
 

Пӑтӑрмахсем
t.me/chuvashia_sledcome сӑнӳкерчӗкӗ
t.me/chuvashia_sledcome сӑнӳкерчӗкӗ

Ҫӗнӗ Шупашкарта ватӑ арҫын хӗрарӑма пусмӑрлама тӑнӑ. Пӑтӑрмах иртнӗ ҫулхи чӳк уйӑхӗн 16-мӗшӗнче каҫхине пулса иртнӗ. Хулари ҫуртсен картишӗсенчен пӗринче никам та пулманнипе усӑ курса вӑл пӗр хӗрарӑма тапӑннӑ. Анчах ҫав вӑхӑтра пӗр машина иртсе пынӑ. Водитель машинӑна чарнӑ, йӗрке хуралҫисене пӗлтересси пирки асӑрхаттарнӑ.

Хӑраса ӳкнӗ арҫын пӑтӑрмах вырӑнӗнчен тарнӑ. Анчах йӗрке хуралҫисем ӑна татса чарнӑ.

Хальхи вӑхӑтра пуҫиле ӗҫе тӗпчевҫӗсем суда ярса панӑ. Ҫав вӑхӑтрах вӑл этем ытти ҫавӑн йышши преступлени туман-ши тесе шухӑшлаҫҫӗ.

Хыпар ҫӑлкуҫӗ: https://t.me/chuvashia_sledcome/2009
 

Пӑтӑрмахсем
nvkz-tub.ru сӑнӳкерчӗкӗ
nvkz-tub.ru сӑнӳкерчӗкӗ

Элӗк муниципаллӑ округӗнче пурӑнакан пӗр хӗрарӑм кӗвӗҫнипе тепӗр хӗрарӑмӑн сутана шӑммине хуҫса янӑ.

Пӗлтӗрхи ҫӗртме уйӑхӗн 23-мӗшӗнче Мӑн Этмен ялӗнчи 60 ҫулти хӗрарӑм хӑйӗн пахчинче пӗр ялта пурӑнакан хӗрарӑмпа вӑрҫма тапранса кайнӑ. Вӑл ӑна икӗ хутран кая мар урапа тапнӑ. Икӗ хӗрарӑм хушшинчи ӑнланмалӑх кӗвӗҫӳпе ҫыхӑннӑ иккен. 60 ҫулти кӗвӗҫ хӗрарӑм кайран йывӑҫ патак ярса илсе икӗ хутран кая мар ҫапнӑ. Шар курнин сутана шӑмми хуҫӑлнӑ.

Пӑтӑрмах пуҫиле ӗҫ пуҫарнипе вӗҫленнӗ. Судра хӗрарӑм хӗненине йышӑнман, вӑл хӑй ӳкрӗ тесе суйнӑ.

Ҫапӑҫакан хӗрарӑма суд тӗрмене хупса хумасӑр 1 ҫул та 6 уйӑхлӑха ирӗкрен хӑтарма йышӑннӑ, сӑнав вӑхӑтне ҫулталӑклӑха палӑртнӑ.

 

Пӑтӑрмахсем
mnogoblock.ru сӑнӳкерчӗкӗ
mnogoblock.ru сӑнӳкерчӗкӗ

Шупашкарта пурӑнакан ҫамрӑк хӗарӑм хӑйӗн ӑс-тӑнне тӗнче тетелӗ урлӑ тӗрӗслес тенӗ. Кӑтартӑва пӗлес тесен 33 тенкӗ тӳлемелле тесе ӗнентернӗ. Хӗрарӑмӑн укҫи пулманран вӑл упӑшкин банк карттипе усӑ курнӑ.

Интернет-тест ирттерекенсем 33 тенкӗ вырӑннӗ банк картти ҫинчи 2 533 тенке илсе кайнӑ.

Пӑтӑрмах тӗлӗшпе пуҫиле ӗҫ пуҫарнӑ.

Йӗрке хуралҫисем вара ҫынсене банк реквизичӗсене пули-пулми пӗлтерме юраманни пирки тепӗр хутчен аса илтереҫҫӗ.

 

Пӑтӑрмахсем
Прокуратура архивӗнчи сӑн
Прокуратура архивӗнчи сӑн

Шупашкарта пурӑнакан 33 ҫулти арҫын пӗлтӗр кӑрлач-авӑн уйӑхӗсенче 6 ҫулти ывӑлне пӗрре мар хӗненӗ. Вӑл арӑмӗ пулнӑ хӗрарӑм тата ывӑлӗ пурӑнакан хваттере килсе ҫӳренӗ, хирӗҫнӗ. Ача вара амӑшне хӳтӗленӗ. Куншӑн ашшӗ ӑна хӗненӗ, тумтир упрамалли ещӗке питӗрсе хунӑ.

Куншӑн арҫынна явап тыттарнӑ. Судра вӑл айӑпне йышӑннӑ, ӳкӗннӗ. Ҫапла мӗншӗн хӑтланнине те ӑнлантарнӑ: ӳсӗр пулнипе.

Суд ӑна тӗрмене хупмасӑр 4 ҫуллӑха айӑпланӑ. Тӗрӗслев срокӗ – 3 ҫул.

Хыпар ҫӑлкуҫӗ: https://t.me/chuv_prok
 

Пӑтӑрмахсем
Видео скринӗ
Видео скринӗ

Ӗнер Ҫӗнӗ Шупашкарта 12 сехет ҫурӑра Хӗвелтухӑҫ урамӗнчи автомойкӑра машина 7 ҫулти ача урлӑ каҫса кайнӑ. Пысӑк телее, хӗрача аманман, унтан-кунтан кӑна шӑйрӑксем пулнӑ.

Ҫакӑ видео ҫине лекнӗ. Ӑна пӑхсан акӑ мӗн курӑнать: «Тойота» рулӗ умӗнчи хӗрарӑм парковкӑран тухнӑ чухне асфальт ҫинче ларакан хӗрача ҫине пырса кӗрет, ун урлӑ каҫса каять. Пӗр ҫын чӳречинчен пырса шаккамасӑр та водитель чарӑнмасть.

Ачана ҫынсем машина айӗнчен туртса кӑларса пульницӑна илсе кайнӑ. Тухтӑрсем ача аманманнине палӑртнӑ.

Халӗ ҪҪХПИ ӗҫ-пуҫа тӗпчет.

Хыпар ҫӑлкуҫӗ: https://t.me/gibdd121
 

Страницӑсем: 1, [2], 3, 4, 5, 6, 7, 8, 9, 10, 11, 12, ...365
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хуть те кам тухсан та
кил-йышри арҫын
пӗтӗм кил-йышпа тухаҫҫӗ
хуҫа арӑмӗ
хуҫа тарҫи
хуҫа хӑй
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть