И.Я.Яковлев ячӗллӗ ЧППУ ректоне ҫу уйӑхӗн 26-мӗшӗнче суйласси пирки Чӑваш халӑх сайтӗнче пӗлтернӗччӗ. Ӗнер университет пуҫлӑхне палӑртнӑ.

Кам ытларах сасӑ пухнӑ-ха? Малтан аса илтерер-ха: ЧППУ ректорне ларассишӗн икӗ кандидат кӗрешнӗ. Унччен тӑваттӑн пулнӑ, анчах РФ Вӗренӳ министерствин собеседованийӗ витӗр иккӗшӗ тухайман. Ҫапла майпа унччен вӗренӳ министрӗ пулнӑ Владимир Иванов, ЧППУн ӳнер тата музыка пӗлӗвӗн факультечӗн тивӗҫӗсене пурнӑҫлакан Светлана Ильина ректор пуканӗшӗн кӗрешнӗ.

Владимир Иванов сасӑ нумайрах пухнӑ. Ҫапла майпа вӑл университет ректорӗ пулса тӑнӑ. Сӑмах май, вӑл унӑн тивӗҫӗсене пӗлтӗрхи ҫу уйӑхӗн 21-мӗшӗнчен вӑхӑтлӑх пурнӑҫланӑ.

#ӗҫ вырӑнӗсем, #ЧППУ, #вӗренӳ