Аçтахар Плотников: Путин: «наци чӗлхисене Раҫҫейри пек тӗнчере урӑх ниҫта та хӳтӗлемеҫҫӗ»

Аçтахар Плотников19.05.2015 14:3349978 хут пӑхнӑ

Ҫапларах каланӑ тет паян Путин халӑхсен хутшӑнӑвӗсемпе вырӑс чӗлхи канашӗсен ларӑвӗнче.

Вӗсен унта хӑтлӑ Кремӗлӗнче ҫапла шухӑшлаҫҫӗ пуль те, анчах пурнӑҫӗ пачах урӑххине кӑтартса панине чухламаҫҫӗ-ши вара?

Хисеплӗ Путин?

- шкулсенче чӑваш чӗлхине тата вырӑс чӗлхине мӗн чухлӗ вӗрентнине пӗлетӗр-и?

- ППЭ чӑвашла хӑҫан тытма пуҫлӗҫ?

- техника-компьютер таврашӗпе чӑвашла усӑ курас тесен мӗн тери чакаланма тивнине пӗлетӗр-и?

- телекурав кунӗн ҫӗрӗн чӑвашла тата вырӑсла мӗн чухлӗ ҫынсен пуҫӗсене минретнине танлаштарнӑ-и?

- Европӑн регионаллӑ чӗлхесен хартине хӑҫан ратификациллеттӗр (пурнӑҫа кӗртетӗр)?

- чӑваш чӗлхи хӑҫан хут ҫӳретмелли чӗлхе пулса тӑрӗ?

- хӑҫан икӗчӗлхелӗхе пӑхӑнса ӗҫлесси ыйтмасӑрах йӗркеленсе кайӗ?

- тата ытти, тата ытти те.

Путин ман шутпа кунта е суять е хут ҫинчи «идиллине» пӗлтересшӗн.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (222)]

Комментари:

Agabazar // 2731.84.1854 2015.05.19 15:27
	Путин калани— политикăлла сăмах. Çавăнпа та вăл каланине "ахаллĕн" (ахаль чĕлхепе) сÿтсе явма май çук. Политикăлла сăмаха çав хакпах, çав чĕлхепех хаклас пулать. Ун пирки урăхла калаçма май çук.
bor1959 // 1039.8.4424 2015.05.19 16:37
	Хисеплӗ Аҫтархар! Тӑван чӗлхепе калаҫас тесен малтан чӑваш хӗрӗпе ҫемье ҫавӑрмалла. Кайран, маларах асӑннӑ пек, пӗр 5 шӑпӑрланран кая мар ҫуратмалла,вӗсемпе сӑпкаран пуҫласа тӑван чӗлхепе калаҫмалла- ҫак "пунктиксене" пурнӑҫлама никам та чӑрмантармасть, малалла вара Путинран ҫирӗп ыйтма юрать. Мӗн ҫӳп-ҫап салатса ларатӑр, хисеплӗ чӑвашсем. Халаппҫӑсем, урӑх ним те мар.