Пӑлакасси — Патӑрьел районӗнчи ял. Пӑла юханшывӗн хӗрринче вырнаҫнӑ.

Ял кун-ҫулӗ

Патӑрьел районӗнчи ҫӗнӗ ялсенчен пӗри. Ӑна 1870-1880-мӗш ҫулсенче никӗсленнӗ теме пулать. Куҫса килекенсем Ҫӗнӗ Ахпӳрт ялӗнчен килнӗ.

1920 ҫулхи ҫурлан 3-мӗшӗччен Пӑва уесне, ун хыҫҫӑн вара Ҫӗрпӳ уесне кӗнӗ. 1920 ҫулхи юпан 5-мӗшӗнче Ҫӗрпӳ уесӗн Йӗпреҫ районне кӗртнӗ. 1921 ҫулхи ҫӗртмен 22-мӗшпе 1927 ҫулччен Патӑрьел уесӗнче шутланнӑ. Ку пӗтӗм вӑхӑтра ял Патӑрьел вулӑсне кӗнӗ.

1927 ҫулхи юпан 1-мӗшӗнче, районсене йӗркеленӗ май, Мӑн Патӑрьел районне кӗнӗ. 1935 ҫулхи ҫӑвӑн 19-мӗшӗ хыҫҫӑн Патӑрьел районне, 1939 ҫулхи нарӑсӑн 22-мӗшӗ хыҫҫӑн Чкаловски районне, 1957 ҫулхи чӳкӗн 20-мӗшӗ хыҫҫӑн хальхи вӑхӑтччен Патӑрьел районне кӗрет.

Халӑх йышӗ

Паллӑ ҫыннисем

• Тарасов Арсений Алексеевич, чӑваш ҫыравҫи, драматургӗ.