Политика
Ҫӗнӗ Шупашкар хулин пуҫлӑхӗн ҫумӗ Андрей Леонтьев «Пӗрлӗхлӗ Раҫҫей» партирен тухма заявлени ҫырса панӑ. Ӑна вӑл партин регионти уйрӑмӗн секретарӗ ячӗпе Алена Аршинова ячӗпе шӑрҫаланӑ. Раҫҫей Федерацийӗн коммунистсен партийӗн депутачӗ Александр Андреев пӗлтернӗ тӑрӑх, Ҫӗнӗ Шупашкарти депутат коммунистсен партине кӗресшӗн. Кайран вӑл республика парламентне парти списокӗпе суйланасшӑн. Леонтьев Шупашкарта пурӑнать. Унӑн виҫӗ ача. «ГОССТРОЙ» тулли мар яваплӑ обществӑн гендиректорӗ. Чӑваш Енӗн Тӗп суйлав комиссийӗ пӗлтернӗ тӑрӑх, политика вӑрланӑшӑн, влаҫ пайташне кӳрентернӗшӗн, преступлени тума хатӗрленнӗшӗн айӑпланӑ. Халӗ айӑплавӗсене пӑрахӑҫланӑ. Нумаях пулмасть «Пӗрлӗхлӗ Раҫҫей» парти Владимир Михайлов депутата партирен кӑларас ыйтӑва тишкерессине пӗлтернӗ. Политик ҫынсене пысӑк процентлӑ ссуда панӑ. Авӑн уйӑхӗнчи суйлав хыҫҫӑн «Пӗрлӗхлӗ Раҫҫей» тата РФКП партисен Ҫӗнӗ Шупашкарти депутачӗсем хула пуҫлӑхӗ пулма «Пӗрлӗхлӗ Раҫҫей» партин регионти уйрӑмӗ сӗннӗ кандидатшӑн сасӑламан. Унта хула пуҫлӑхӗ пулма вырӑнти усламҫа Игорь Анакова суйланӑ. Унӑн ҫумӗ пулма Андрей Леонтьева шаннӑ. Хыпар ҫӑлкуҫӗ:
|
Политика
Алексей Лукшин Чӑваш Ен Вӗрентӳ тата ҫамрӑксен политикин министрӗн пӗрремӗш ҫумӗ пулма Алесей Лукшина шаннӑ. 2015 ҫулхи утӑ уйӑхнчен пуҫласа Алексей Петрович Шупашкарти 45-мӗш шкул директорнче ӗҫленӗ. Асӑннӑ вӗрентӳ учрежденийӗ Ахазов урамӗнче вырнаҫнӑ. 2006 ҫулта Лукшин Мускаври патшалӑх уҫӑ университетӗнче юриспруденци енӗпе вӗреннӗ. 2010 ҫулта вӑл виҫӗ аслӑ шкулта квалификацие тӗрлӗ енӗпе ӳстернӗ. Министрӑн пӗрремӗш ҫумн пуканӗ Алевтина Федоровӑна (халӗ вӑл — Ачасен правине хӳтӗлес енӗпе ӗҫлекен уполномоченнӑй) ӗҫрен хӑтарнӑ хыҫҫӑн пушаннӑ. Ӗнер министрӑн ҫумне Илья Царевские ӗҫрен кӑларнӑ. Ку пукана паян Николай Жуков йышӑннӑ. Хыпар ҫӑлкуҫӗ:
|
Политика
Паян, юпа уйӑхӗн 21-мӗшӗнче, Чӑваш Енӗн экономика аталанӑвӗн тата пурлӑх хутшӑнӑвӗсен министрӗн ҫумне Инна Антоновӑна ӗҫрен кӑларнӑ. Хушӑва республикӑн Министрсен Кабинечӗн Ертӳҫи Олег Николаев алӑ пуснӑ. Министерствӑра пысӑк вырӑн йышӑн йышӑннӑ тӳре-шарана ӗҫрен мӗншӗн хӑтарнине ӗҫлӗ хутра ӑнлантарса тӑман. Документа республикӑн влаҫ органӗсен официаллӑ порталӗнче вырнаҫтарнӑ. Инна Антонова Чӑваш Енӗн экономика аталанӑвӗн тата пурлӑх хутшӑнӑвӗсен министерствине 1994 ҫулта ӗҫе вырнаҫнӑ. Вӑл пай пуҫлӑхӗ, министр ҫумӗ, министрӑн пӗрремӗш ҫумӗ пулса тӑрӑшнӑ. Хыпар ҫӑлкуҫӗ:
|
Политика
Максим Петрова Чӑваш Енӗн транспорт тата ҫул-йӗр хуҫалӑхӗн министрӗн ҫумӗ пулма шаннӑ. Хушӑва Олег Николаев паян алӑ пуснӑ. Ӗҫлӗ хута республикӑн влаҫ органӗсен официаллӑ порталӗнче вырнаҫтарнӑ. «Ҫыхӑнура» порталта пӗлтернӗ тӑрӑх, маларах Максим Петров министерствӑра автомобиль ҫулӗсен аталанӑвӗн пай пуҫлӑхӗ пулса ӗҫленӗ. Аса илтерер: ӗнер министр ҫумӗн пуканне Евгений Павлов пушатнӑччӗ. Республикӑн транспорт тата ҫул-йӗр хуҫалӑхӗн министрӗн Владимир Осиповӑн паянтан икӗ ҫум: Юрий Арлашкин тата Максим Петров. Хыпар ҫӑлкуҫӗ:
|
Политика
Паян Чӑваш Ен транспорт тата ҫул-йер хуҫалӑхӗн министрӗн ҫумне Евгений Павлова ӗҫрен хӑтарма йышӑннӑ. Ӗҫлӗ хута республикӑн влаҫ органӗсен официаллӑ порталӗнче вырнаҫтарнӑ. Ӑна республикӑн Министрсен Кабинечӗн ертӳҫи Олег Николаев юпа уйӑхӗн 12-мӗшӗнче алӑ пуснӑ. Транспорт тата ҫул-йр хуҫалӑхӗн министрӗн Владимир Осиповӑн халӗ пӗр ҫум: Юрий Арлашкин. Евгений Павлов министр ҫумӗн должноҫне 2016 ҫулта йышӑннӑ. Унччен вӑл финанс пайӗн пуҫлӑхӗ пулса ӗҫленӗ, патшалӑх программисене пурнӑҫлассишӗн тата ҫул-йӗр фончӗ валли уйӑракан укҫа-тенкӗпе усӑ курассишӗн яваплӑ пулнӑ. Хыпар ҫӑлкуҫӗ:
|
Политика
Чӑваш Енри ҫамрӑка Раҫсей экономика аталанӑвӗн министрӗн канашҫи пулма шаннӑ. Александр Индюков — «Лидеры России. Политика» (чӑв. Раҫҫей ертӳҫисем. Политика) конкурс финалисчӗ. Ӑна мускавсем эпир маларах асӑннӑ конкурсра финала лексен асӑрханӑ. Чӑваш арҫынни «Россельхозбанк» акционерсен обществинче корпораци усламне аталантарас тата пулӑшас енӗпе ӗҫлекен департаментӑн ертсе пыракан директорӗ пулнӑ. Александр Индюков 1986 ҫулта Комсомольски ялӗнче ҫуралнӑ. Чӑваш патшалӑх университетӗнчи экономика факультетӗнче тата Мускаври гуманитарипе экономика институтӗнчи юридици факультетӗнче вӗреннӗ. Экономика наукисен кандидачӗ. Кӑҫал М.В. Ломоносов ячӗллӗ Мускаври патшалӑх университетне вӗренме кӗнӗ. Хыпар ҫӑлкуҫӗ:
|
Политика
РФ Инкеклӗ лару-тӑру министерствин Чӑваш Енри тӗп управленийӗнче пуҫлӑх улшӑннӑ. Унӑн тивӗҫӗсене Сергей Ерофеев пурнӑҫлать, хальлӗхе ӑна ҫирӗплетмен-ха. Сергей Ерофеев Шупашкартах ҫуралса ӳснӗ. 1993-2010 ҫулсенче вӑл Етӗрне районӗнче ӗҫленӗ: пушарпа ҫӑлав отрячӗн инспекторӗ, пушар чаҫӗн пуҫлӑхӗ, патшалӑх пушар надзорӗн пайӗн ертӳҫи пулнӑ. Иртнӗ эрнере асӑннӑ ведомствӑна Алексей Струженков ертсе пынӑ, вӑл ку пукана кӑҫал ҫу уйӑхӗнче йышӑннӑччӗ. Халӗ вӑл пуҫлӑхӑн пӗрремӗш ҫумӗ шутланать. Станислав Антонов ку ведомствӑна 11 ҫул ертсе пынӑ. Вӑл кӑҫал ака уйӑхӗнче ку должноҫрен кайнӑ. Хыпар ҫӑлкуҫӗ:
|
Политика
Юпа уйӑхӗн 9-мӗшӗнче Вӑрнарти депутатсем район администрацийӗн пуҫлӑхне ҫирӗплетнӗ. Чӑваш Ен Патшалӑх Канашӗн депутачӗ Сергей Семенов Фейсбукра ҫырнӑ тӑрӑх, администраци пуҫлӑхне уҫӑ сасӑлавпа палӑртнӑ. Яваплӑ ӗҫе пурнӑҫлама Андрей Тихонова шаннӑ. Ӗҫе вӑл юпа уйӑхӗн 12-мӗшӗнче кӳлӗнӗ. Андрей Владимирович – 50 ҫулта. Вӑл Вӑрнарта ҫуралнӑ. «Август» предприятин вырӑнти филиалӗнче ӗҫленӗ, «Росгосстрах» организацин районти филиалне ертсе пынӑ. Юлашки вӑхӑтра вӑл район администрацийӗнче пуҫлӑхӑн ҫумӗ пулса ӗҫленӗ. Хыпар ҫӑлкуҫӗ:
|
Политика
Паян Шупашкар хулинчи ҫиччӗмӗш суйлаври депутатсем пӗрремӗш лару ирттернӗ. Унта хула пуҫлӑхне тата хула администрацийӗн пуҫлӑхӗн тивӗҫне вӑхӑтлӑх пурнӑҫлакана суйланӑ. Хула пуҫлӑхӗ пулма Олег Кортунова, хула администрацийӗн ҫӗнӗ пуҫлӑхне суйличчен ҫак тивӗҫе вӑхӑтлӑх пурнӑҫлама Владимир Филиппова ҫирӗплетнӗ. Ҫывӑх вӑхӑтра пирӗн республикӑри 13 муниципалитетра администраци пуҫлӑхӗсене суйлӗҫ. Кунта Канаш хули, Улатӑр, Элӗк, Патӑрьел, Канаш, Комсомольски, Красноармейски, Муркаш, Пӑрачкав, Шӑмӑршӑ, Ҫӗмӗрле, Елчӗк тата Тӑвай районӗсем кӗреҫҫӗ. Хыпар ҫӑлкуҫӗ:
|
Политика
smartik.ru сайтри сӑн Авӑнӑн 13-мӗшӗнче Чӑваш Ен Элтеперӗн суйлавӗ пулчӗ. Кӑшӑлвируса пула вӑл виҫӗ куна тӑсӑлчӗ, маларах пуҫланчӗ. Чӑваш Енри юрист Сергей Ванюков суйлав саккуна пӑсса иртнӗ тесе ӗнентересшӗн. Вӑл каланӑ тӑрӑх, суйлава маларах пуҫӑнма юранине регионти саккунра палӑртман. Ҫавна май юрист ЧР Аслӑ судне республикӑри Тӗп суйлав комиссийӗ тӗлӗшпе административлӑ тавӑҫ тӑратнӑ. Аса илтерер: суйлава килнисен 75 проценчӗ Олег Николаевшӑн сасӑланӑ. Халӗ вӑл ЧР Элтеперӗн пуканне йышӑннӑ. Хыпар ҫӑлкуҫӗ:
|
Шупашкарта ҫывӑх вӑхӑтра (01.05.2024 15:00) тӗтреллӗ ҫанталӑк, атмосфера пусӑмӗ 752 - 754 мм, 9 - 11 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.
| Ҫемен Элкер, чӑваш сӑвӑҫи, ҫыравҫи ҫуралнӑ. | ||
| Шорникова Елена Васильевна, чӑваш актриси ҫуралнӑ. | ||
| Сергеев Алексей Сергеевич, чӑваш актёрӗ, тава тивӗҫлӗ культура ӗҫченӗ ҫут тӗнчерен уйрӑлса кайнӑ. | ||
Пулӑм хуш... |