Видеорегистраторти видерон илнӗ сӑн

Красноармейски округӗнче ҫӗрле 40-ри хӗрарӑм ҫул варрипе утнӑ чухне машина айне пулнӑ. Вӑл вилмеллех аманнӑ.

Ку инкек авӑн уйӑхӗн 20-мӗшӗнче 23:30 сехетре «Кетра» савут патӗнче пулнӑ. «Киа» машинӑпа пынӑ 23-ри водитель ӑна асӑрхаса ӗлкӗреймен, ун ҫине пырса кӗнӗ.

Хӗрарӑм Красноармейски салинче пурӑннӑ. Ҫакӑ паллӑ: вӑл ҫӗрле кӳршӗ ялтан хӗр тусӗ патӗнчен таврӑннӑ.

Инкек умӗн кӑшт маларах иртсе кайнӑ машина регистраторӗнчен ҫакӑ паллӑ: водитель тӗлӗнмелле майпа хӗрарӑм ҫине пырса кӗмен, ӑна ҫул ҫинчен ҫавӑтса тухас тесе чарӑннӑ. Анчах... кая юлнӑ. Ӑна хыҫра пынӑ машина ҫапса кайнӑ.

#пӑтӑрмахсем, #ҫул-йӗр, #Красноармейски районӗ