ШӖМ тунӑ сӑн

Шел те, Улатӑр округӗнчи Стемас ялӗнче аварире шар курнӑ 9 ҫулти хӗрача пурнӑҫран уйрӑлнӑ.

Тухтӑрсем Софийӑн пурнӑҫӗшӗн ултӑ кун кӗрешнӗ. Анчах пурнӑҫне ҫӑлса хӑварайман – вӑл аварире йывӑр суранланнӑ ҫав.

Ку инкек нумай пулмасть пулнӑ. Велосипедпа пынӑ хӗрача ҫине ВАЗ-2115 машина пырса кӗнӗ. Руль умӗнче 18-ти каччӑ ларнӑ, унӑн права та ҫук. Ҫак кунсенче унӑн автошкулта экзамен тытмалла пулнӑ. Вӑл килти машинӑна амӑшӗнчен ыйтмасӑрах тапратса кайнӑ.

#пӑтӑрмахсем, #Улатӑр районӗ, #Стемас, #ҫул-йӗр, #ҫамрӑксем, #ачасем