ru.freepik.com сӑнӳкерчӗкӗ

Ҫӗнӗ Шупашкарти Депутатсен хула пухӑвӗн депутачӗ офис валли (халӑха йышӑнмалли пӳлӗм) тесе саунӑна тара илсе пурӑннӑ. Пурӑнмалли мар ҫав ҫурта (унта амӑшӗн сауни ҫеҫ пулнӑ) тара илесси ҫинчен калакан килӗшӗве 2020 ҫулхи юпа уйӑхӗнче килӗшӳ тунӑ. Ҫав хут тӑрӑх вӑл Хулари депутатсен пухӑвне финанс отчечӗ тӑратса пурӑннӑ, унпа килӗшӳллӗн хыснаран укҫа илнӗ. Уйӑхсерен — 9 пин те 600 тенкӗ. Ҫав укҫа тара илнин тӑкакне саплаштарма каймалла пулнӑ.

Пӑтӑрмаха вырӑнти прокуратура тӗрӗслевӗ вӑхӑтӗнче тупса палӑртнӑ.

#тӗрӗслевсем, #Ҫӗнӗ Шупашкар, #коррупци, #укҫа-тенкӗ, #депутатсем, #пӑтӑмахсем, #прокуратура