astanatv.kz сӑнӳкерчӗкӗ

Чӑваш Ен прокурорӗ Андрей Фомин шывра ишнӗ чухне вилнӗ. Вӑл Атӑл урлӑ ишсе каҫакансен мероприятине ҫулсерен хутшӑннӑ. Кӑҫал та вӑл 2200 метра ишес тенӗ.

Прокурор ҫыран хӗрне 150 метр ишсе ҫитеймен. Арҫынна ҫӑлавҫӑсем ҫыран хӗрне илсе тухнӑ вӑхӑта вӑл тӑнне ҫухатма ӗлкӗрнӗ. Унӑн пурнӑҫне ҫӑлса хӑварассишӗн тухтӑрсем нумай тӑрӑшнӑ. Анчах пулӑшма май килмен. Унӑн чӗри тапма чарӑннӑ.

Чӑваш Ен прокурорӗ сарӑмсӑр вилсе кайнӑшӑн Раҫҫей генпрокурорӗ Игорь Краснов хурланнине пӗлтернӗ.

Андрей Фомин 1965 ҫулта Владимир облаҫӗнче ҫуралнӑ. Чӑваш Ен прокуратурине ертсе пыма ӑна 2020 ҫулхи ҫӗртме уйӑхӗнче шаннӑ.

#Атӑл, #прокурорсем, #сывлӑх, #инкексем