tsfera38.ru сайтри сӑн

Ҫу уйӑхӗн 27-мӗшӗнче Ҫӗрпӳ округӗнчи Туҫи ялӗнчи «И.Н.Ульянов астӑвӑмӗ» ЯХПКра арҫын утӑ упрамалли ҫурт тӑррине пӑснӑ чухне 3 метр ҫӳллӗшӗнчен ӳкнӗ. Вӑл суранланнӑ, шӑмми хуҫӑлнӑ. Ку сывлӑха йывӑр сиен кӳни шутланать.

Патшалӑх ӗҫ инспекцийӗ халӗ инкек сӑлтавне уҫӑмлатать. Тӗрӗслев хыҫҫӑн ЯХПКри должноҫри ҫынсен айӑпӗ пуррипе ҫуккине палӑртӗҫ. Кайран материалсене Следстви комитечӗн Чӑваш Енри следстви управленине ярса парӗҫ.

#пӑтӑрмахсем, #Ҫӗрпӳ районӗ, #Туҫи, #Следстви комитечӗ, #Ӗҫ инспекцийӗ, #тӗрӗслевсем