Етӗрне районӗнче водитель ҪҪХПИ инспекторӗсем тӑнине курсан вӗсем патне ҫитмесӗрех ҫул хӗрринче чарӑннӑ. Инспекторсем кунта темӗн пулнине ӑнланнӑ та ун патне пынӑ.

Хайхи водитель права кӑтартнӑ. Анчах инспекторсем вӑл суя пулнине тӳрех ӑнланнӑ. Базӑра пач урӑх ҫыннӑн ячӗ-хушамачӗ тухнӑ.

Кӑкшӑмра пурӑнакан 34 ҫулти арҫыннӑн нихӑҫан та водитель прави пулман иккен. Кӑна вӑл тӗнче тетелӗнче укҫалла туяннӑ. Вӑл унччен судпа айӑпланни паллӑ. Халӗ те суя документпа усӑ курнӑшӑн суд сакки ҫине ларма тивӗ. Ҫитменнине, вӑл машинине те регистрацилемен..

#Етӗрне районӗ, #ҪҪХПИ