Альбина Фёдорова (Пӑрчӑкан). @parchakan1967 страницӑри сӑнӳкерчӗк

Ӗнер, утӑ уйӑхӗн 15-мӗшӗнче, Чӑваш Енри темиҫе ҫынна республикӑн Хисеп грамотипе чыслама йышӑннӑ. Хушӑва Олег Николаев Элтепер алӑ пуснӑ.

«Чӑваш Республики умӗнчи тава тивӗҫлӗ ӗҫсемшӗн» орден медальне Куславкка районӗнчи «Автофургон» предприятин директорӗ Игорь Комаров тивӗҫнӗ. Асӑннӑ савутра ӗҫлекен тепӗр ҫынна, йывӑҫ тирпейлекен станоксен станочникне Камиль Максутова, Чӑваш Республикин Хисеп грамотипе чыслӗҫ. Ку грамотӑпа Шупашкар хулинчи халӑхӗн социаллӑ ыйтӑвӗсене тивӗҫтерекен центрта стационар уйрӑмӗн производство заведующийӗнче тӑрӑшакан Альбина Федоровӑна та хавхалантарнӑ.

#Куславкка районӗ, #Элтепер, #тӳре-шара, #чыславсем, #Шупашкар