cap.ru сӑнӳкерчӗкӗ

Сывлӑх сыхлавӗнче кадрсем ҫитменни – халӗ те ҫивӗч ыйту-ха. Кун пирки Сывлӑх сыхлавӗн министерствин коллеги ларӑвӗнче калаҫнӑ. Вӑл иртнӗ эрнере пулнӑ.

ЧР Элтеперӗ Олег Николаев сывлӑх сыхлавӗнче кадр ыйтӑвне ҫине тӑрсах татса памаллине палӑртнӑ. Мӗншӗн тесен ҫӗнӗ хатӗр-хӗтӗр туянмалла, ҫӗнӗ поликлиникӑсемпе ФАПсем хута ямалла. Вӗсенче кадрсем ҫитмесен ҫак ӗҫсене тунин усси сахал пулӗ. Ҫапла палӑртнӑ Олег Алексеевич.

Владимир Степанов министр каланӑ тӑрӑх, республикӑра ытларах педиатрсем, пӗтӗмӗшле практика тухтӑрӗсем, анестезиологсем, хирургсем ҫитмеҫҫӗ. Тӳре-шара медӗҫченсене, уйрӑмах – ялтисене, пулӑшмалли мерӑсене аталантарма палӑртнӑ.

#сывлӑх, #тухтӑрсем, #тӳре-шара, #ФАПсем, #Элтепер