"Про Город" сайтран илнӗ сӑн

Шупашкар хулин дупутатсен пухӑвӗн депутачӗ Сергей Антонов кинемее ҫуралнӑ кунпа саламласа открытка янӑ. Анчах вӑл тӑванӗсене савӑнтарман, мӗншӗн тесен кинемей ку тӗнчере ҫук ӗнтӗ, ҫулла вилнӗ.

Ватӑ хӗрарӑм, 1933 ҫулта ҫуралнӑскер, кӑҫал ҫулла утӑн 27-мӗшӗнче пурнӑҫран уйӑлнӑ. Анчах депутат ҫакна тӗрӗслемесӗрех салам открытки янӑ. Ӑна кинемеейӗн тӑванӗ Павел Гарамов почта ещӗкӗнчен илнӗ.

Ку тӑванӗсене кӳрентернӗ. Вӑл депутатран каҫару кӗтнӗ. Сергей Антонов чӑнах та унран каҫару ыйтнӑ.

#депутатсем, #саламсем, #ваттисем, #Шупашкар