Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Ватти ҫук та — латти ҫук.
[ваттисен сӑмахӗ]
 

Хыпарсене тӗрӗслемелли

Умкурав

__Муркашри__ суд малалла пырать. Тунтикун айӑплакан енӗн икӗ кунтелейне __/news/3514.html|итлеме май пулнӑ__ пулсан, паян тепӗр иккӗшне чӗнсе илнӗ. Юнкунри суда икӗ пая пайлама пулать — малтанхинче хӳтӗлекен ен евитсем тыттарчӗ, тепринче кунтелейсен хуравӗсемпе паллашрӗҫ.

Чи малтан суд Илле Иванов тӑратнӑ евитсене (ходотайствӑсене) пӑхса тухрӗ. Айӑпланакан вӗсене чӑвашла ҫырнӑран тӑлмачӑн куҫарма тивнӗ иккен. Куҫару тӗрӗсех пулнине ҫирӗплетме Трихалкин судья вӗсене вуласа та пачӗ, хӳтӗлекен ен хирӗҫлемен хыҫҫӑн сӳтсе явма пуҫларӗҫ. Илле Иванов ӑна шиклентерекен темиҫе саманта асӑннӑ иккен, вӗсенчен пӗри — ӗҫе пуҫарма пуҫтарнӑ хутсен папки ҫинче тӳрлетӳ пуррине асӑрханинче. Хӳтӗлевҫӗсем датӑра тӳрлетӳ пуррипе ҫуккине тӗрӗслеме экспертиза тума ыйтрӗҫ, суд вӗсемпе килӗшмерӗ, ку япала пӗлтерӗшсӗр пулнине ҫирӗплетрӗ. Тепӗр евитре хӳтӗлевҫӗсем ҫак статьяна Чӑваш патшалӑх гуманитари ӑслӑлӑхӗсен институтне чӗлхе енчен экспертизӑна яма ыйтрӗҫ. Ваккатсемпе прокурорсен ку тӗлӗшпе мӗн шутланине пӗлнӗ хыҫҫӑн тӳре пӗр ҫур сехетлӗхе йышӑну тума кайрӗ. Таврӑннӑ хыҫҫӑн паллӑ пулчӗ — гуманитари ӑслӑлӑхӗсен институтне хушма ӗҫ пырса тивмӗ, тепӗр майлӑ каласан суд хӳтӗлевҫӗсен сӗнӗвӗпе килӗшмерӗ. Илле Иванов суда тата темиҫе ҫынна кунтелей пек чӗнме ыйтсан тӳре ун хӳттине кӗчӗ — килӗшрӗ. Ҫапла май суд Эдуард Мочаловпа Владимир Кожевниковсӑр пуҫне (вӗсене унсӑр та чӗнӗччӗҫ) тата Пил Тымарлана, Житова Степанида Сафроновнӑна, Ямангеев Владимира тата Сухова Валентинӑна чӗнсе илӗ. Ку кунтелейсем хӳтӗлевҫӗсен енчен пулӗҫ, ҫавӑнпа та Илле Иванов майлӑ тухса калаҫмалла-мӗн.

Тата тепӗр евит тӳрене самай пуҫа ваттарчӗ пулас — вӑл темиҫе хут та тӑхтав тума тухрӗ. Сӗнӳ вара прокурара шанманнинче пулчӗ — Чернов Алексей Васильевич прокурор, иккен, ҫак ӗҫпе (статьяна экстремизмлисен шутне кӗртес тӗлӗшпе) малтан та ӗҫленӗ. Унсӑр пуҫне, Муркаш район сучӗ статьяна экстремизмлисен йышне кӗртме килӗшмен хыҫҫӑн шӑп та лӑп вӑл аппеляци ҫырнӑ пулать. Ҫавӑнпа та хӳтӗлевҫӗсен шухӑшӗпе прокурор хӑйӗн ӗҫне тивӗҫлӗ пурнӑҫлама пултараймасть имӗш, вӑл ҫак ӗҫе пӗр енлӗ — айӑплавлӑ — кӑна курайрать, хӑйӗн пуҫӗнче те вӑл тахҫанах ҫакна картса хунӑ имӗш. Саккун та ҫакна хирӗҫ пек — кун чухне прокурорӗсем улшӑнмалла иккен. Ҫак ыйтӑва татса пама сехет ытла вӑхӑт ирттернӗ хыҫҫӑн тӳре прокурора ку ӗҫрен хӑтарас темерӗ, хӑварчӗ. Вӑхӑчӗ вара саккунсенче шӑтӑк шырама — унпа хӑйӗн йышӑнӑвне сӑлтавлама — кирлӗ пулнӑ пекех туйӑнчӗ.

Иккӗмӗш пайӗнче айӑплав енӗ чӗннӗ кунтелейсем пулчӗҫ: Никифоров Владимир Петрович тата Семёнов Юрий Иванович. Пӗрремӗшӗ пирки калас пулсан вӑл na-svyazi.ru канашлӑвне куллен хутшанакан ҫын иккен. Хӑйӗн кӑтартӑвӗнче те, судра та чӑвашлӑха курайманни сисӗнчӗ — ун шухӑшӗпе ҫав канашлӑвӗн «Тӑван чӗлхе» пайӗнче кам ҫырать, пурне те халӑхсем хушшинче хирӗҫӳ кӑларнишӗн айӑпламалла имӗш. «Атте чӑваш, анне еврей, хам вырӑс» тесе палӑртакан кунтелей (свидетель) «Сӗтев» хаҫата та, «Покажи мне свой язык, и я скажу — кто ты» статьяна та питӗ япӑх хаклав пачӗ, ун шухӑшӗпе вӗсем ытла та йӗрӗнчӗклӗ. Ҫав хушӑрах текстра мӗн асра юлнине те, хаҫат ун аллине епле лекнине те калаймарӗ. Семёнов Юрий Иванович вара шкулта акӑлчан чӗлхи вӗрентекен пенсионер пулчӗ. Ку кунтелей чӑваш халӑхӗшӗн пӑшӑрханни сисӗнчӗ — тӳртен мар ыйтнӑ чухне вӑл «Сӗтев» хаҫат корреспонденчӗ пулма хатӗрри пирки те асӑнчӗ. Анчах, те айӑплакан ен хушнипе, статьяна пахалама ыйтсанах вӑл ӑна халӑхсем хушшинче хирӗҫӳ ҫуратаканни темерӗ пулин те ҫавах та хирӗҫӳ хӗлхемне пама пултараканнисен шутне кӗртрӗ кӗртрех. Ҫав шутрах «Покажи мне свой язык, и я скажу — кто ты» статьяна ҫивӗччӗн (ҫак пахалӑха ырласа), вулаканшӑн кӑсӑклӑ ҫырнине асӑрхаса хӑварчӗ.

Тепӗр лару ыран, утӑн 25-мӗшӗнче, иртмелле. Пуҫламӑшӗ 11 сехетре. Вырӑнӗ улшӑнман — Муркаш.

Хыпарҫӑ ячӗ:
Хыпар ячӗ:
Тема:
Хыпар тексчӗ:
Пурӗ кӗртнӗ: 0 симв.
Сӑнӳкерчӗк:
Сӑнӳкерчӗкӗн кӗске ӑнлантарӑвӗ:
Хыпар паллисем:
Хыпар ҫӑлкуҫӗ:
Ытти чӗлхе уйрӑмӗсенчи хыпар номерӗ:
 
Чӑвашла:
 
English:
 
Esperanto:
 
По-русски:
 
Тархасшӑн, пирӗн сайта килекенсене кӑсӑклантарма пултаркан хыпар кӑна кӗртӗр. "Шыратӑп" йышши пӗлтерӳсене кӗртес ҫук. Вӗсене канашлура кӗртӗр.
Асӑрхӑр! Эсир паркан хыпара сайт модераторӗсем пӑхаҫҫӗ, тӳрлетеҫҫӗ. Эсир панӑ хыпар сайтра тухмасан ӑна ҫӗнӗрен ан ярӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 21:00) уяр ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
кил-йышри арҫын
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуть те кам тухсан та
хӑнана ӑсатма никам та тухмасть
хуҫа арӑмӗ
хуҫа хӑй