Ҫапла, ӗнертенпе пирӗн сайтра хыпарсен йышӗ 2 500 иртрӗ. Малтанхи кӑтартӑва, __/news/1686.html_1 500 хыпар йышне__ эпир 2011 ҫулхи авӑн уйӑхӗнче ҫитсеччӗ (2 пин шутне палӑртмасӑр хӑварса). 500 хыпара ҫырма ун чухне пире __/news/1140.html_ҫулталӑк__ (2010, ҫурла вӗҫӗ) кирлӗ пулчӗ пулсан, хальхинче информаципе пуянланас ӗҫ самах хӑвартланчӗ теме пулать.

Унсӑр пуҫне пирӗн малашне ҫӗнӗ проект ӗҫлеме пуҫлӗ — __/news/2738.html_«Хыпарла 2»__. Унпа килӗшӳллӗн эпир ятарласа икӗ журналиста тытӑпӑр — вӗсем кунне 5-шер хыпар ҫырма шантараҫҫӗ. Кама илессине палӑртрӑмӑр теме пулать — ун пирки сире, вулаканӑмарсем, __/calendar/0515.html_ҫу уйӑхӗн 15-мӗшӗнче__ пӗлтерӗпӗр. Кашни кун пирӗн сайт 10 ҫӗнӗ хыпарпа пуянланса пыни пирӗн сайтра ҫӗнӗ ҫынсем ытларах явӑҫасса шанатпӑр.

Енчен те сирӗн Чӑвашри тӗрлӗ енлӗ хыпар-хӑнара пӗлсе тӑрас килет пулсан — пирӗн пата хӑнана кашни кунах кӗрсе тухни пӑсмӗ. Эпир тӳре-шаран ӗҫӗнчи кӑлтӑкӗсене те, вӗсен ӳсӗмӗсене те палӑртсах тӑрӑпӑр. Тӗрлӗ сферӑри хыпарсене ҫутатӑпӑр — ял хуҫалӑхӗнчен пуҫласа экономика таранах. Чӑваш ҫӗрӗнчисене ҫеҫ мар, Раҫҫейпе тӗнче шайӗнчисем те пулӗҫ. Чӑваш халӑх сайчӗ пулнӑран эпир хыпарсене халӑхӑн кӑмӑлне тивӗҫтерекеннисене вырнаҫтарма шантаратпӑр!

Пӗлме: чи пӗрремӗш хыпар __/news/8.html_2005 ҫулхи юпан 5-мӗшӗнче__ ҫырӑннӑ — вӑл сайт движокне улӑштарни пирки ҫеҫ пӗлтернӗ. Сайтӑн ытти уйрӑмсенчи хыпарсен шучӗ: __http://ru.chuvash.org_вырӑслинче__ — 806, http://en.chuvash.org_акӑлчанлинче__ — 38, http://eo.chuvash.org_эсперантолинче__ — 38. Ӗнер пӗр кун хушшинче сайтра чи нумай хыпар хушӑннине те манса каймалла мар — пурӗ 13 пулчӗ (~~ятарласа сайта та ҫӗнетме тиврӗ: енчен те кун хушшинче хыпарсен йышӗ 10-ран ытларах пулсан пӗрремӗш старницӑра вӗсем малашне пурте курӑнӗҫ~~).