Сайта кӗр | Регистраци | Сайта кӗрсен унпа туллин усӑ курма пулӗ
 +14.0 °C
Кивви ҫӗннине упрать.
[ваттисен сӑмахӗ]
 

Таисия Ташней: Пилӗк пинпе лавккана ан кай

Таисия Ташней11.01.2016 15:311153 хут пӑхнӑ

Вӑрӑ вӑрра шанмасть теҫҫӗ те, пур чухне те апла мар пулӗ. Шупашкарта вырнаҫнӑ лавккасенчен пӗринче, реклама (е, тен, антиреклама) евӗр ан пултӑр тесе хӑшӗнчине каламӑп, 5 пинпе пыракан ҫынсене ӳкерсех илеҫҫӗ-мӗн.

 

Тӗлӗнмелле ҫак тӗслӗх пирки Александр Белов журналист хӑйӗн блогӗнче ҫырать. Пӑтӑрмахӗ республикӑн тӗп хулинчи Горький тата Университет урамӗсем хӗресленнӗ тӗлте вырнаҫнӑ лавккара пулса иртнӗ. Унта тавар туянакансенчен пӗри 5 пин тенкӗлӗх укҫапа пынӑ иккен. Унпа лавккан аслӑ менеждерӗ хушшинче хытах харкашу сиксе тухнӑ-мӗн. Ара, тавар туянаканни 5 пин тенкӗлӗх пама тӑнӑ. Ҫук-ха, илместпӗр тесе кутӑнлашма тытӑнман-ха сутуҫӑсем. Вӗсем купюрӑн номерне ҫырса хурассине пӗлтернӗ. Пӗлтернӗ кӑна мар, ҫырса хунӑ. Укҫа хуҫине вара видеокамерӑпах ӳкерсе илнӗ. Сутуҫӑсем ҫапла хӑтланнине кура 5 пинпе лавккана пыни тарӑхмах тытӑннӑ. Хӑйне криминал элеменчӗ вырӑнне хуни тавар туянакан ҫав ҫынна кӑна мар, черетрисене те кӑмӑлсӑрлантарнӑ.

«Пӳрне йӗрне ӳкерсе илменни кӑна», — тет лавккари пӑтӑрмаха хӑй куҫӗпе курнӑ Александр Белов.

Сутуҫӑсен вара хӑйсен ӑнлантарӑвӗ иккен. Вӗсем инструкципе ӗҫлеҫҫӗ. Апла пулсан, хуҫисем хушнӑ-тӑр. Хуҫисем апла тума хушни 5 пинлӗххисем хушшинче суя укҫа нумаййипе ҫыхӑннӑ-тӑр.

Апла-и, капла-и, анчах ним айӑпсӑр ҫынна преступника евӗр шанманни, чӑн та, кӳрентерет ӗнтӗ. Ҫавӑнпах пулӗ хайхи 5 пин тенкӗ хуҫи ку лавккана урӑх ура ярса пусмастӑп, паллаканӑмсене те кӗме сӗнместӗп тесе хытах кӑмӑлсӑрланса тухса утнӑ. Чӑн та, суя укҫана тӗрӗслемелли аппаратура пур вӗт. Мӗншӗн ӑна туянса памаҫҫӗ-ши лавкка хуҫисем кассирӗсене — ку ыйту хуравне хӑйсем кӑна пӗлеҫҫӗ-тӗр. Тепӗр тесен, тӗшмӗртме те йывӑрах мар: яланхиллех укҫа перекетлес тени пуль ӗнтӗ.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (26.04.2017)

16:10
 
Асăмри юрăсем (12+)
17:00
 
Новости (12+)
17:20
 
Шанчăк (12+)
18:00
 
Хыпарсем (12+)
18:20
 
Ялтан яла (12+)
19:00
 
Новости (12+)
19:20
 
Çĕр сум (12+)
20:00
 
Хыпарсем (12+)
20:20
 
Юрă вăчăри (12+)
21:00
 
Новости (12+)
21:20
 
Республика сасси (12+)
22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org