Сайта кӗр | Регистраци | Сайта кӗрсен унпа туллин усӑ курма пулӗ
 +3.0 °C
Икӗ куяна хӑвалакан пӗрне те тытайман.
[ваттисен сӑмахӗ]
 

Софья Савнеш: Фермер ультрамарафонра епле çĕнтерме пултарнă?

Софья Савнеш04.05.2015 21:48962 хут пӑхнӑ

1983 çулта Австралири 61 çулти фермер Клифф Янг Уэстфилдри ультрамарафона хутшăннă. Супермарафон дистанцийĕ 875 çухрăмпа танлашнă. Стартпа финиш Австралире, Мельбурнра тата Сиднейра пулнă.

Унта яланах тенĕ пекех тĕнче шайĕнчи çăмăл атлетсем хутшăнаççĕ. Вĕсем кун валли ятарлă тренировка ирттереççĕ, вĕсене паллă брендсем спонсор пулăшăвĕ параççĕ.

Клифф Янг чупма тытăниччен прессăна интервью панă. Вăл унта сурăхсене хăваланăран икĕ-виçĕ талăк çывăрманни пирки пĕлтернĕ. Фермер майĕпен чупнă, малтанах ыттисенчен юлса пынă. Анчах вăл кашни талăкра ултă сехет çывăрма чарăнман. Çапла майпа вăл ыттисене хăваласа çитнĕ, иртсе те кайнă. Финиша чи пĕрремĕш, чылай маларах, çитнĕ. Клифф Янг каярахпа çакна пĕлтернĕ: вăл чупнă вăхăтра тăвăл тухиччен сурăхсене пуçтарса çÿренине куç умне кăларнă-мĕн.

Клифф Янг тупăшăва 5 кун та 15 сехет те 4 минут кăтартупа çĕнтернĕ. Вăл ытти ăмăртусен кăтартăвĕсене те лайăхлатнă: 2 талăк маларах çитнĕ вăл. Ăна укçан парса хавхалантарнă. Анчах вăл унта парнешĕн чупман-мĕн.

Клифф Янг вегетарианец пулнă. Сверхмарафонра çĕнтернĕ хыççăн вăл хăйĕнчен 39 çул кĕçĕнрех Мэри Хоуэлла качча илнĕ. Анчах вĕсем 5 çултан уйрăлнă. Клифф Янг 2003 çулта усал шыççа пула çĕре кĕнĕ. 81 çул пурăннă вăл.

 

Комментари:

Сарбай // 4186.57.1361
2015-05-07 09:32
Маттур çын пур енепе те маттур, еçлеме ÿркемесен çапла вăл.
Ют Ҫын // 1413.46.4958
2015-05-08 11:04
Ҫап ҫапла Сарбай юлташ, тӗрӗс ӗҫлекен ҫын ниҫта та ҫухалса каймаст. Ӗҫлекен Ҫын ҫинчен пит сахал ҫыраҫҫӗ ҫыравҫӑсем,ҫав шутра Agabazar та. Эссе ҫырса паратех тетӗп.
Ют Ҫын // 1413.46.4958
2015-05-08 13:47
Ӗҫлемелле,тӑвансем,ӗҫлемелле.Ак кунта вулӑр-«Думали, всю жизнь будем на нефти жить, а оказывается, нужно работать»
Интервью гендиректора компании «Евродон» Вадима Ванеева.
bor1959 // 1039.8.4424
2015-05-09 12:52
Тӗрӗс,Ют Ҫын текен чӑваш. Паянтан ӗҫлеме пуҫласан пит те лайӑх пулмалла. Пурин тар кӑлариччен ӗҫлемелле, пурин те. Ӗҫлемен, тар юхтарман этем кунта ыттисене вӗрентсе ларма пултаримасть.Ют Ҫын,«Евродон» пирки вуларӑм. Маттур, чӑвашсем те ун пеккисем, талӑкра 16 сехет ӗҫлекеннисем пур. Малалла,Чӑваш Енъ ӗҫлекенсемпе!

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org