Пӑтӑрмахсем
"Про Город" сайтӗнчи сӑн Паян, ҫурла уйӑхӗн 13-мӗшӗнче, Шупашкарти Патрис Лумумба урамӗнчи 10-мӗш ҫурт ҫывӑхӗнче (вӑл 15 хутлӑ) хӗрарӑм виллине тупнӑ. Анчах ҫав ҫуртра пурӑнакансем ӑна никам та паллайман. Хӗрарӑм 30-35 ҫулсенчи пек курӑннӑ. «Про Город» хаҫата халӑх корреспонденчӗ пӗлтернӗ тӑрӑх, хӗрарӑм миҫемӗш хутран ӳкни паллӑ мар. Анчах, ахӑртнех, чылай ҫӳллӗ ҫӗртен персе аннӑ, мӗншӗн тесен подъезд тӑрри самаях авӑннӑ. Вырӑна полицейскисем, суд-медицина экспертизин ӗҫченӗсем ҫитнӗ Хыпар ҫӑлкуҫӗ:
|
Пӑтӑрмахсем
"Про Город" сайтӗнчи сӑн Паян, ҫурла уйӑхӗн 12-мӗшӗнче, Ҫӗрпӳ районӗнчи Паваркассинчи ферма территорийӗ ҫунма пуҫланӑ. Кун пирки халӑх корреспонденчӗ «Про Город» хаҫата пӗлтернӗ. Ферма ҫывӑхӗнчи уй ирхи 9 сехет ҫурӑра ҫунма пуҫланӑ. «Тен, хуралтӑ таврашӗсем те сиенленнӗ. Унта вӑйлах ҫунать», - ҫапла пӗлтернӗ халӑх корреспонденчӗ хаҫата. Хыпар ҫӑлкуҫӗ:
|
Пӑтӑрмахсем
Шупашкарта пурӑнакан 48 ҫулти хӗрарӑм тӗнче тетелӗнче укҫа ӗҫлесе илес тесе улталаннӑ. Паллӑ мессенджерсенчен пӗринче вӑл укҫа ӗҫлесе илмелли май пурри ҫинчен вуласа пӗлнӗ. Сусӑр ачана ӳстерекен хӗрарӑма ҫемьере хушма укҫа ытлашши мар тесе шухӑшланӑ. Ӗҫе йывӑр мар: маркетплейссенчен пӗринче тавар пирки ырласа ҫырмалла. Кӑштахран хайхи ҫынсем хӗрарӑм тӗрӗс мар тунӑ, ӗҫӗнче йӑнӑшнӑ, ҫавна пула таварпа тивӗҫтерекен шар курнӑ тесе 100 пин тенкӗ ыйтса илнӗ. Ҫавӑн пек меслетпе 35 ҫулти хӗрарӑма улталанӑ. Вӑл 90 пин тенкӗлӗх улталаннӑ. Хыпар ҫӑлкуҫӗ:
|
Пӑтӑрмахсем
lizaalert.org сӑнӳкерчӗкӗ «ЛизаАлерт» шырав отрячӗн хастарӗсем «Солярис» машинӑпа тухса кайнӑ ҫамрӑк арҫынна шыраҫҫӗ. 31 ҫулти Артем Пантелеймонов уйӑхӗн 8-мӗшӗнче «Hyundai Solaris» маркӑллӑ автомобильпе ҫула тухнӑ. Унӑ машини сӑрӑ тӗслӗ иккен. Ҫухалнӑ ҫамрӑк арҫын 179 сантиметр ҫуллӗш, начар кӗлеткеллӗ, куҫӗ хӑмӑр, ҫӳҫӗ — тӗксӗм хӑмӑр. Хӑй тӗксӗм кӑвак футболка-поло, тӗксӗм кӑвак джинс шӑлавар, сӑрӑ кроссовки тӑхӑннӑ. Ҫумӗнче хура тӗслӗ рюкзак пулнӑ. Хыпар ҫӑлкуҫӗ:
|
Пӑтӑрмахсем
ШӖМ тунӑ сӑн Ӗнер ирхи 3 сехетре Етӗрне районӗнче 4 машина ҫапӑннӑ. Аварире фура водителӗн пурнӑҫӗ татӑлнӑ. 47 ҫулти фура водителӗ - Пермь крайӗнчен. Вӑл малта тӑракан «Мерседес» ҫине пырса кӗнӗ. Лешӗ вара фургона тӑрӑннӑ. Фургон «Сканийӑна» пырса лекнӗ. Фура водителӗн кабини вӑйлах лапчӑннӑ. Шел те, 47-ри арҫын ҫавӑнтах вилнӗ. Вӑл пырса тӑрӑннӑ чухне ытти машина ҫул хӗрринче ларнӑ - Патшалӑх автоинспекцийӗн ӗҫченӗсем ун чухне кӑшт маларах пулнӑ аварие регистрациленӗ. Хыпар ҫӑлкуҫӗ:
|
Пӑтӑрмахсем
«ЛизаАлерт» шырав отрячӗн сӑнӳкерчӗкӗ Ҫурла уйӑхӗн 8-мӗшӗнче Вӑрмар районӗнчи пӗр ялта пурӑнакан арҫын ҫухалнӑ. 83 ҫулти Михаил Семёнов килӗнчен велосипед ҫине ларса тухса кайнӑ. Пӑвакасси арҫынни симӗс тӗслӗ велосипедпа пулнӑ. Ӑна халӗ «ЛизаАлерт» шырав отрячӗн хастарӗсем шыраҫҫӗ. Арҫын Куславкка районӗнчи Пакӑш ялне те ҫул тытма пултарнӑ тесе шухӑшлаҫҫӗ. Арҫын 165 сантиметр ҫӳллӗш, вӑтам пӳ-силлӗ, хӑмӑр куҫлӑ, ҫӳҫӗ тӗксӗмрех хӑмӑр тӗслӗ, кӑштах кӑвакарнӑ. Ҫухалнӑ ҫын тӗксӗм кӑвак тӗслӗ йӗрлӗ футболка, камуфляж шӑлавар, хура ботинка тӑхӑннӑ. Арҫынна тухтӑр пулӑшӑвӗ кирлине те палӑртаҫҫӗ. Мучине курнисене 8(800)700-54-52 е 112 телефон номерӗсемпе пӗлтерме ыйтаҫҫӗ. Хыпар ҫӑлкуҫӗ:
|
Пӑтӑрмахсем
t.me/pro_cheby сӑнӳкерчӗкӗ Виҫӗмкун, ҫурла уйӑхӗн 7-мӗшӗнче, Шупашкарта йӗрке хуралҫисем шурӑ тӗслӗ «Хендай Солярис» автомобиле хӑваланӑ. Машинӑна ирхи 6 сехетре Октябре 50 ҫул урамра ҫул-йӗр инспекторӗсем чарӑнма ыйтнӑ. Вӑл вара тарма пикеннӗ. Ҫав вӑхӑтра светофорӑн хӗрлӗ ҫутине те пӑхӑнман, кӗрсе кайма юраман йӗр ӳкерсе хунине те пӑхса тӑман. База проездӗнче инспекторсем машинӑна хӑваласа ҫитсе чарса лартнӑ-лартнах. Машинӑран тухма килӗшменрен йӗрке хуралҫисен чӳрече кантӑкне ватма тивнӗ. Водителе ӳсӗрле руль умне ларнӑшӑн унччен правасӑр хӑварнӑ иккен. Водитель правине вӑл ҫӗнӗрен илме экзамен тытман. Пӑтӑрмах хыҫҫӑн пуҫтах водитель тӗлӗшпе йӗрке хуралҫисем 17 протокол ҫырнӑ. Хыпар ҫӑлкуҫӗ:
|
Пӑтӑрмахсем
medartby.ru сайтри сӑн Улатӑрта 8 ҫулти арҫын ача пиҫсе кайнӑ. Ӑна пульницӑна илсе ҫитернӗ. Тухтӑрсем палӑртнӑ тӑрӑх, унӑн ӳчӗ самай пиҫсе кайнӑ, сиенленнӗ лаптӑк 1-2-мӗш степеньпе танлашнӑ. Мӗн пулса иртнӗ-ха? Ҫурла уйӑхӗн 8-мӗшӗнче каҫхине вӗсем тусӗсемпе «Стрелка» микрорайонта ҫунакан шӗвекпе усӑ курса кӑвайт чӗртме тӑнӑ. Ҫулӑм вара арҫын ачан тумтирӗ ҫине куҫнӑ. Палӑртмалла: ҫулталӑк пуҫланнӑранпа республикӑра 932 пушар пулнӑ, вӗсенче 38 ҫыннӑн пурнӑҫӗ татӑлнӑ. Хыпар ҫӑлкуҫӗ:
|
Пӑтӑрмахсем
chuvashia.sledcom.ru сӑнӳкерчӗкӗ Сӑра сакки сарлака ҫав. Ӑна пула мӗн чухлӗ инкек пулса иртмест-ши?! Ӳсӗр чухне этем паттӑрланса каять пулмалла, уншӑн ҫынна хӗнесе пӗтересси те ним те мар-тӑр. Шупашкарта пурӑнакан 50 ҫулти хӗрарӑм та эрехе пулах пӑтӑрмаха ҫакланнӑ теме юрать. Кӑҫалхи пуш уйӑхӗн вӗҫӗнче вӑл хӑйӗн пӗлӗшӗ патӗнче хӑналаннӑ. Унта кил хуҫи хӗрарӑмӗпе пурӑнакан арҫын та пулнӑ. Кӑштахран тем пайлама тытӑнса кайнӑ-ҫке — хӑнана кайнӑ хӗрарӑм арҫынна пуҫӗнчен мӑлатукпа ҫапса пӗтернӗ. Арҫын реанимаци уйрӑмӗнче кӑштахран вилсе кайнӑ. Хӗрарӑм тӗлӗшпе пуҫарнӑ пуҫиле ӗҫе халӗ суда ярса панӑ. Хыпар ҫӑлкуҫӗ:
|
Пӑтӑрмахсем
chuvashia.sledcom.ru сӑнӳкерчӗкӗ Патӑрьел тӑрӑхӗнчи ача пахчисенчен пӗрин заведующийӗн тӗлӗшпе пуҫиле ӗҫ пуҫарнӑ. Халӗ ӑна тӗпчесе пӗтернӗ. РФ Следстви комитечӗн республикӑри управленийӗнче пӗлтернӗ тӑрӑх, хӗрарӑм тӗлӗшпе РФ Пуҫиле кодексӗн 292-мӗш статйин 1-мӗш пайӗпе килӗшӳллӗн ӗҫ пуҫарнӑ. Ача пахчинче тротуара юсамалла пулнӑ. Кун пирки хӗрарӑм 2022 ҫулхи чӳк уйӑхӗнче подрядчикпа килӗшӳ тунӑ. Ӗҫе вӗҫлемен пулин те тепӗр уйӑхран вӑл кирлӗ хутсене алӑ пусса панӑ. Подрядчика туса пӗтермен ӗҫшӗнех 300 пине яхӑн тенкӗ куҫарса панӑ. Ҫапла вара район хыснине тӑкак кӳнӗ. Хыпар ҫӑлкуҫӗ:
|
Шупашкарта ҫывӑх вӑхӑтра (19.05.2024 03:00) уяр ҫанталӑк, атмосфера пусӑмӗ 755 - 757 мм, 6 - 8 градус ӑшӑ пулӗ, ҫил 0-2 м/ҫ хӑвӑртлӑхпа ҫурҫӗр енчен вӗрӗ.
| Никольский Николай Васильевич, «Хыпар» хаҫатӑн никӗслевҫи, чӑваш чӗлхи тӗпчевҫи ҫуралнӑ. | ||
| Илпек Микулайӗ, чӑваш ҫыравҫи, тӑлмачӗ ҫуралнӑ. | ||
| Родионов Виктор Иосифович, театр актёрӗ, Чӑваш АССРӗн тава тивӗҫлӗ артисчӗ вилнӗ. | ||
| Бикчурин Рассых Фахрутдинови, чӑваш спортсменӗ ҫут тӗнчерен уйрӑлса кайнӑ. | ||
Пулӑм хуш... |