Акан 10-мӗшӗнче Чӑваш Енӗн Наци библиотекинче «Хальхи чӑваш литератури: ӑрусен ҫыхӑнӑвӗ» темӑпа Юрий Скворцов пултарулӑхӗ тавра семинар иртнӗ.
Елена Нарпи халӑх тетелӗнче пӗлтернӗ тӑрӑх, ку иккӗмӗш семинар пулнӑ. «Малтанхи Хв. Уяр пултарулӑхӗпе иртнӗччӗ. Хальхинче те И.Н. Ульянов ячӗллӗ ЧПУ студенчӗсемпе хутшӑнтӑмӑр семинара. Улькка Эльмен, Арсений Тарасов, Людмила Сачкова, Раиса Сарпи ҫыравҫӑсем, Ю.М. Артемьев, В.В. Никифорова тӗпчевҫӗсем Ю. Скворцовӑн илемлӗ тӗнчине тӗрлӗ енлӗ ҫутатса пама тӑрӑшрӗҫ. Пирӗн студент, ҫамрӑк ҫыравҫӑ Елена Кириллова хӑй ҫырнӑ юптарӑва ӑста вуларӗ», – хыпарланӑ аслӑ шкулӑн вӗрентекенӗ.
Ака уйӑхӗн 10-мӗшӗнче, 14 сехетре, Чӑваш Енӗн Наци вулавӑшӗнче «Современная чувашская литература: связь поколений» (чӑв. Хальхи вӑхӑтри чӑваш литератури: ӑрусен ҫыхӑнӑвӗ) ятпа черетлӗ литература семинарӗ иртнӗ. Мероприятие Чӑваш Енри профессионал ҫыравҫӑсен союзӗпе пӗрле ирттереҫҫӗ.
Семинара чӑваш писателӗсем, литературоведсем, критиксем литература ӑсталӑхӗн вӑрттӑнлӑхне уҫса парӗҫ.
Ҫитес семинара чӑваш прозаикӗн, поэчӗн, тӑлмачӗн Юрий Скворцовӑн пултарулӑхне халаллӗҫ. Аса илтерер: унӑн паллӑ хайлавӗсен шутӗнче «Сурӑм хӗрӗ», «Уках хурӑнӗ», «Ҫын ӑшши», «Сӑваплӑ вут», «Хӗрлӗ мӑкӑнь»ата ыттисем.
Семинар конференц-залра иртӗ. Ыйтса пӗлмелли телефон номерӗ 8(8352)230217, хушма номер — 147.
Чӑваш Енре автор ҫырнӑ юмахсен конкурсене ирттерме йышӑннӑ. «Халӑх хӑватӗнче – пуласлӑх» автор юмахӗсен пултарулӑх ӑмӑртӑвне Чӑваш наци ӑслӑлӑхпа ӳнер академийӗн «Фольклористика» уйрӑмӗн ертӳҫи, халӑх академикӗ Эдисон Патмар пуҫарнипе Чӑваш наци ӑслӑлӑхпа ӳнер академийӗ ирттерет.
Академин пайташӗ Елизавета Долгова пӗлтернӗ тӑрӑх, конкурса ирттернин тӗллевӗ – чӑваш чӗлхине аталантарасси. Ҫӗнтерӳҫӗсене хаклӑ парнесем хавхалантарассине хыпарланӑ.
Материалсем чӑвашла пулмалла. Юмах А4 калӑпӑшлӑ хут ҫинче 5 страницӑран ытла пулмалла мар. Шрифчӗ – 14.
Ӗҫсене раштав уйӑхӗн 10-мӗшӗччен dolgovaliza2009@yandex.ru электрон адреспа йышӑнӗҫ.
Ака уйӑхӗн 2-мӗшӗнче Екатеринбургри чӑвашсем чӑваш культурин фестивальне ирттернӗ. Унта Чӑваш патшалӑх юрӑпа ташӑ ансамблӗ те хутшӑннӑ.
Чӑваш артисчӗсем Уралти халӑх ӳнерӗн центрӗн сцени ҫине тухнӑ. Фестивале пынисем валли фольклор коллективӗсем тӗрлӗ интерактив хатӗрленӗ. Ҫапла-ҫапла. Унта Удмурт Республикинчи, Мари Элти, Пушкӑртстанри, Казахстанри, Дагестанри тата Грузири коллективсем те хутшӑннӑ.
Профессионал стрит-арт художниксемпе ӳкерме юратакансем«ФормART» фестивале хутшӑнма пултараҫҫӗ. Ӑна 18 пуҫласа 35 ҫулчченхи ҫамрӑксем валли йӗркелеҫҫӗ.
Фестивалӗн кашни тематикипе пӗр ҫынран 3 заявкӑран ытла йышӑнмӗҫ. Вӗсенесумлӑ экспертсем, сӑнарлӑ тата урамри искусство, архитектура тата хула строительстви енӗпе ӗҫлекен специалистсем хаклӗҫ.
Фестиваль темиҫе номинаципе иртӗ, Ҫавна май кашниех хӑйне ҫывӑххине суйласа илме пултарӗ.
Ҫӗнтерӳҫӗсене хӑйсен ӗҫӗсене Федерацин Атӑлҫи округӗнчи 14 регионта пурнӑҫа кӗртме май туса парӗҫ.
Чӑваш Енри хореограф тава тивӗҫлӗ ят панӑ.
Культурӑра тава тивӗҫлӗ ӗҫсемшӗн тара нумай ҫул тӑрӑшса ӗҫленӗшӗн «Чӑваш Республикин культурӑн тава тивӗҫлӗ ӗҫченӗ» ята «Этуаль» хореографи студийӗн халӑх коллективӗн ертӳҫине Наталья Волковӑна панӑ. Асӑннӑ коллектив «Трактор тӑвакансен культура керменӗ» халӑх пултарулӑхӗн республикӑри центрӗн тытӑмӗнче.
Наталья Федоровна вырӑс балет шкулӗн пуян эткерлӗхне упраса хӑварас тата сарас тӗллевпе нумай ҫул тӑрӑшса ӗҫлет.
Елчӗк районӗнчи «Тарават» фольклор ансамблӗ Пӗтӗм Раҫҫейри ача-пӑча фольклориадине халалланӑ мероприятие хутшӑннӑ.
ВДНХри «Раҫҫей» куравра «Пирӗн культура» павильонта Фольклориадӑна халалланӑ савӑнӑҫлӑ мероприяти иртнӗ. Фольклориада Тутарстанра ҫӗртме уйӑхӗнче уҫӑлӗ. Унта хутшӑнакан коллективсене суйласа илӗҫ, делегатсене палӑртӗҫ.
Ҫӗршывӑн культура министрӗ Ольга Любимова палӑртнӑ тӑрӑх, калӑпӑшлӑ проекта Раҫҫейри халӑхсен культура эткерлӗхӗн ҫулталӑкӗнче Чӑваш Енре пуҫарса янӑ. Унта пултаруллӑ ачасем ҫӗршывӑн 76 регионӗнче пуҫтарӑннӑ.
Тутарстанри фольклориада ҫӗртме уйӑхӗн 19-23-мӗшӗсенче иртӗ.
Пуш уйӑхӗн 19-мӗшӗнче Чӑваш патшалӑх академи драма театрӗнче «Театр – ман ӑраскал. Вячеслав Александров» моноспектакль иртӗ. Театрта кун пек ярӑмпа тӗлпулусем ирттерме пуҫланине эпир унччен пӗлтернӗччӗ-ха. Хальхинче черет Чӑваш Республикин халӑх артисчӗ Вячеслав Александров патне ҫитнӗ.
Тӳрех драма атисчӗ пулса тӑман вӑл. Малтан Пукане театрӗнче ӗҫленӗ. Чӑвашрадиопа ачасемпе ҫамрӑксем валли «Хатӗр пул!» тата «Ҫунатлӑ ҫамрӑклӑх» кӑларӑмсене ертсе пынӑ. Вырӑсларан чӑвашла куҫарнӑ мультфильмсемпе киносенче те унӑн сасси янӑрать.
Артист пурнӑҫӗпе тата пултарулӑхӗпе моноспектакль вӑхӑтӗнче тӗплӗнрех паллашма май килӗ.
Пуш уйӑхӗн 21-мӗшӗнче Муркаш мунициапллӑ округӗнчи Каршлӑхри ваттисен ҫуртӗнче Шупашкарти артистсен тӳлевсӗр концерчӗ пулӗ. Юрӑ-ташӑпа савӑнтараканнисем — Шупашкарти халӑхӑн сцаллӑ ыйтӑвӗсене тивӗҫтерекен комплекслӑ центрне ҫӳрекен ватӑсем.
Центрта тӗрлӗ музыка коллективӗ пур. Вӗсенчен пӗри — Чӑваш Республикин культурӑн тава тивӗҫлӗ ӗҫченӗ Владимир Арланов ертсе пыракан «Надежда» ансамбль. Унта ҫӳрекен ватӑсем уйрӑммӑн та юрлаҫҫӗ, ушкӑнпа та. Вӗсене хулари тӗрлӗ мероприятие йыхравлаҫҫӗ, куракансем концерта кӑмӑлтан йышӑнаҫҫӗ.
Паян, пуш уйӑхӗн 11-мӗшӗнче, Чӑваш Енри паллӑ балалайка ӑсти, музыкант, дирижёр, педагог Эдуард Борисов 85 ҫул тултарнӑ.
Эдуард Борисов — Чӑваш АССРӗн тата Раҫҫей Федерацийӗн культурӑн тава тивӗҫлӗ ӗҫченӗ.
Пулас музыкант Ижевскра ҫуралнӑ, Хусанти патшалӑх консерваторийӗнче вӗреннӗ. 1966 ҫулта Шупашкарти Ф.П. Павлов ячӗллӗ музыка училищинче преподавательте ӗҫлеме тытӑннӑ. Унта вӑл балалайка класне пуҫарса янӑ, халӑх инструменчӗсен оркестрӗн ертӳҫи тата дирижёрӗ пулнӑ. Пӑнтӑртаттарса каламалли халӑх инстурменчӗсен уйрӑмӗнче ӗҫленӗ. 1999-2017 ҫулсенче училищӗн симфони оркестрне ертсе пынӑ.
+12.5 °C