«Нарспи» поэмӑри сцена / Г. Зотова тунӑ сӑн

Литература тата Константин Иванов ҫулталӑкне халалласа районта фестиваль пырать. Тралькасси ял тӑрӑхӗнчи хастарсем ӗнер Штанашри шкулта ял халӑхне концертпа савӑнтарчӗҫ.

Ертӳҫи Ираида Горланова, баянисчӗ Штанашра ҫуралса ӳснӗ Николай Федорович Мемедейкин.Вӑл хӑйпе пӗрле вӗреннӗ тусӗсене аса илчӗ, пухӑннисене тӑван ялӗшӗн тунсӑхланине пӗлтерчӗ, ялсем хушшинчи туслӑха малашне татах та ытларах аталантарма чӗнсе каларӗ.

Николай Мемедейкин баянист ертсе пынипе хор «Ой туманы мои растуманы» тата «Салтак ҫырнӑ ҫырусем» юрӑсем шӑрантарчӗ. Хӗрарӑмсен ушкӑнӗ «Над окошком месяц», «Нонна» тата Николай Мемедейкинсем «Упра мӑшӑрна» юрӑсемпе чуна витерчӗҫ. Зинаида Чернова хӑйӗн вӑрҫӑран таврӑнайман ашшӗне аса илсе хӑйӗн сӑмаххисемпе «Кӗтрӗм» юрӑ хайланӑ, ӑна халӑх хапӑл йышӑнчӗ. В. Максимовпа В. Хромов тутар ташшине ташларӗҫ. «В землянке» композици те халӑх кӑмӑлне кайрӗ.

Тралькасси клубӗ ҫумӗнчи пултарулӑх ушкӑнӗ Константин Иванов ҫырнӑ «Нарспи» поэмӑри пӗр сыпӑкне сӑнарласа пачӗ. «Эп ухмах хӗрарӑм-и?» сценка култарсах вӗлеретчӗ.

Тралькасси культура ҫурчӗ ҫумӗнчи фольклор ушкӑнӗ тӗрлӗ чӑваш юрри шӑрантарчӗ. Такмаксем, тӗрлӗ чӑваш юррисем, ташӑсем Штанаш халӑхӗн кӑмӑлне кайрӗҫ. Концерт М.Исаковский хайланӑ юрӑсен ушкӑнӗнчи юрӑсемпе (пурпурри) вӗҫленчӗ.

Сӑнсем (12)

#Тралькасси ял тӑрӑхӗ, #концертсем, #Тралькасси, #Штанаш, #культура, #хӑнасем, #Хӗрлӗ Чутай районӗ