Иртнĕ çулхи раштавăн 7—8-мĕшĕсенче Мускавра ГОУ «Çутĕç аталанăвĕн федераллă институчĕн» Пĕтĕм Раççейри семинар–канашлăвĕ иртрĕ.

Раштавăн 7-мĕшĕнче Пĕтĕм Раççейри семинар–канашлăвĕнче «Цели, задачи, направления подготовки и внедрения ФГОС второго поколения» пулчĕ. Семинар вăхатĕнче «Особенности федеральных государственных образовательных стандартов общего образования второго поколения» (А.М. Кондаков, «Просвещение» издательствăн тĕп директорĕ), «О внедрении федеральных государственных образовательных стандартов общего образования» (Л.В.Шмелькова, Раççей Çутĕç министерствин патшалăх çутĕç политикин департамĕнчĕн пĕтĕмĕшле çутĕçĕн аталанупа виçеллĕ йĕркелев пайĕн канашçи), «Программа формирования универсальных учебных действий у обучающихся» (О.А.Карабанова, ГОУ «ФИРО» çутĕç аталанăвĕн методологи пайĕн ертӳçи) тата ытти ыйтусене сӳтсе явнă.

Семинар ĕçне Элĕкри пĕтĕмĕшле вăтам пĕлу шкулĕн вĕрентекенĕсем Ф.Н. Ивановăпа Т.Г. Чашкова хутшăннă.

Фаина Николаевна, пуçламăш шкул вĕрентекенĕ, пĕтĕм Раççейри семинарăн çавра сĕтелĕ умне тухса калаçнă, итлекенсене «От слов к букве» (авторĕ — Федосова Н.А.) пособипе тата ачасене шкула хатĕрлемелли «Преемственность» интерактивлă электронлă пособипе ĕçлеме хăнăхмалли тĕслĕхсемпе паллаштарнă.

Раштавăн 8-мĕшĕнче семинара хутшăнакансем «Инновационная площадка как зона ближайшего развития современного образования» ыйтăва сӳтсе явнă.

Элĕкри И Я. Яковлев ячĕллĕ пĕтĕмĕшле вăтам пĕлу паракан шкулĕнче Раççей Федерацин Çутĕçпе ăслăх министерствин эксперимент лапамне йĕркелеме палăртнă. Çак тивĕçе çирĕплетекен свидетельствăна 2009 çулхи раштавăн 8-мĕшĕнче асăннă семинар-канашлура панă.

ГОУ «Çутĕç аталанăвĕн федераллă институчĕ» тата Чăваш Республикинчи Элĕкри И. Я. Яковлев ячĕллĕ пĕтĕмĕшле вăтам пĕлӳ паракан шкул килĕшÿ хучĕ çырчĕç. Малашне Элĕкри И Я. Яковлев пĕтĕмĕшле вăтам пĕлу паракан шкулти опытлă-экспериментлă ĕçĕн ăслăлăх ертӳçи ГОУ «Çутĕç аталанăвĕн федераллă институчĕ» шутланать.

Тĕпчев ĕçĕсен тĕп тĕллевĕсем:

1) "Преемственность" программин калаçу аталанăвĕн пособине наци шкулĕнче ĕçе кĕртесси;

2) шкула кайма хатĕрленекен ачасем валли «Преемственность» программăпа килĕшӳллĕ чăвашла пособи хатĕрлесси;

3) шкула кайма хатĕрленекен ачасем валли «Преемственность» программипе татăçуллă электронлă пособи тăвасси.

Хыпар çăлкуçĕ