Ҫапла, юлашки вӑхӑтра ҫак сӑнсен галерейи самай паянланчӗ! Тин кӑна пулнӑ чунҫӳревренех 2 пине яхӑн сӑнӳкерчӗк килчӗ. Унсӑр пуҫне нумай пулмасть Мирон Толи унта 1951 ҫулта тухнӑ вырӑсла-чӑвашла словаре вырнаҫтарнӑччӗ. Ҫӗртме уйӑхӗн вӗҫӗнче сӑн галерейи Шупашкар районӗнчи ял сӑнӗсемпе тулчӗ: Карачура, Йӑршу, Атайкасси, Янту, Явӑш, Качакасси, Яранкасси, Кивпулӑх.

Ҫак сайтӑн тӗп тивӗҫӗ — чӑваш культурипе паллаштарасси. Культура шутне ял сӑнӗсем те кӗреҫҫӗ. Сӑнаса пӑхӑр-ха тӗрлӗ тӑрӑхри ялсене. Пӗрисем пуян, теприсем — чухӑн. Ҫавна кӑатртма йӗркеленӗ те ӗнтӗ ҫак галерейӑна. КУнта ытларах пайӗпе ӗнтӗ Чӑваш Енӗн тури ялӗсене кӑтартнӑ: Шупашкар районӗ (68 ял), Красноармейски районӗ (34 ял), Ҫӗрпӳ районӗ (23 ял), Муркаш районӗ (17 ял), Сӗнтӗрвӑрри районӗ (16 ял). Ҫитес вӑхӑтра Ҫӗрпӳпе Сӗнтервӑрри ялӗсемпе пуянланмалла — кӑҫал ирттернӗ Октябрьски-Ҫӗрпӳ ҫулҫӳревре тунӑ сӑнсем кӗрӗҫ.

Сӑн галерейинче ыттине те тупма пулать: музейсенчи сӑнсем (10 ытла музей), тӗрлӗ мероприятисенче тунӑ сӑнӳкерчӗксем (юбилейсенче, ӑслӑлӑх конференцийӗсенче, конкурссенче, концертсенче, уявсенче). Чӑваш Енсӗр пуҫне эсир ҫавӑн пекех Самар облаҫӗнчи, Тутарстанри, Пушкӑртри сӑнсемпе паллашма пултаратӑр! Хутшӑнакансем те сахал мар сӑнӳкерчӗк кӗртнӗ — 1 500 ытла!

Интереслӗ? Кӗрсе курӑр — http://gallery.chuvash.org!

#Ҫӗрпӳ районӗ, #Ҫӗрпӳ, #Карачура, #Муркаш районӗ, #Йӑршу, #Атайкасси, #Янту, #Явӑш, #Качакасси, #Яранкасси, #Кивпулӑх, #сайтсем, #Шупашкар районӗ, #Сӗнтӗрвӑрри районӗ, #Красноармейски районӗ, #Октябрьски, #музейсем, #мероприятисем